Hoppa yfir valmynd
Kennsla og rannsóknirHöfuðborgarsvæðið201905/975Háskóli Íslands

Lektor í lífeðlisfræði

Lektor í lífeðlisfræði við Heilbrigðisvísindasvið Háskóla Íslands

Lífeðlisfræðistofnun, Læknadeild, á heilbrigðisvísindasviði Háskóla Íslands auglýsir eftir umsóknum um starf lektors í lífeðlisfræði. 

Leitað er eftir vísindamanni í fremstu röð innan lífeðlisfræði, en æskileg svið sérþekkingar og rannsóknavirkni eru eftirfarandi: útskilnaður og flutningur um þekjuvefi, æxlun, melting, efnaskipti, vöðvar og lífeðlisfræði hjarta og blóðrásar. Hins vegar eru umsækjendur með sérþekkingu og áhuga á öðrum sviðum lífeðlisfræði einnig hvattir til að sækja um stöðuna. 

Helstu verkefni og ábyrgð
>> Hafa umsjón með og kenna námskeið í lífeðlisfræði.
>> Byggja upp og leiða rannsóknarverkefni í lífeðlisfræði við Lífeðlisfræðistofnun.
>> Leiðbeina í BSc, MSc og PhD verkefnum á fræðasviði sínu innan lífeðlisfræði.
>> Taka þátt í stjórnun Lífeðlisfræðistofnunar og innan Læknadeildar HÍ.

Hæfnikröfur
>> Doktorspróf í lífeðlisfræði eða skyldum greinum, próf sem verður jafnað til doktorsprófs, eða jafngild hæfni að mati dómnefndar.
>> Umsækjendur skulu sýna fram á góða virkni í rannsóknum á sérsviði sínu. 
>> Umsækjendur skulu hafa áhuga á og reynslu af kennslu á háskólastigi.
>> Reynsla af stjórnunarstörfum á háskólastigi er æskileg.
>> Góð hæfni í mannlegum samskiptum 
Umsækjandi sem ráðinn verður þarf að geta kennt og átt í samskiptum við starfsmenn og nemendur á íslensku og/eða ensku. Ætlast er til að umsækjandi öðlist grunnfærni í íslensku/ensku á fyrstu tveimur árum í starfi.

Við ráðningu verður miðað við, að sá er starfið hlýtur falli sem best að aðstæðum og þörfum Lífeðlisfræðistofnunar.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Æskilegt er að viðkomandi hefji störf eigi síðar en 1. október 2019.

Ráðið verður í starfið til fimm ára fyrst í stað, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Rektor er heimilt að veita framgang í stöðu dósents eða prófessors strax við nýráðningu uppfylli viðkomandi þau skilyrði sem kveðið er á um í reglum nr. 263/2010 um framgang og tímabundna ráðningu akademískra starfsmanna við Háskóla Íslands.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta fylgja með umsókn sinni, ferilskrá, vottorð um námsferil sinn, ritaskrá, skýrslu um vísindastörf og önnur störf sem þeir hafa unnið, og rannsóknaráætlun ef til ráðningar kemur. Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í tvíriti til vísindasviðs Háskóla Íslands, Aðalbyggingu við Suðurgötu, 101 Reykjavík. Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er stærsta mennta-, rannsókna- og vísindastofnun Íslands og er á meðal 300 bestu háskóla heimsins samkvæmt lista Times Higher Education. Hann er ríkisháskóli sem staðsettur er í miðbæ Reykjavíkur. Fjölbreyttur, nútímavæddur og hratt vaxandi, býður Háskóli Íslands upp tækifæri á nær 300 brautum til náms og rannsókna innan flestra sviða vísinda og menntunar, þ.e. innan félagsvísinda, heilbrigðisvísinda, hugvísinda, menntavísinda og verk- og raunvísinda.

Lífeðlisfræðistofnun HÍ tilheyrir Læknadeild sem er ein af sex deildum Heilbrigðisvísindasviðs við Háskóla Íslands. Nú starfa átta háskólakennarar í fullu starfi eða hlutastarfi við stofnunina og sinna rannsóknum á ýmsum sviðum lífeðlisfræði. Stofnunin er ábyrg fyrir mörgum námskeiðum í lífeðlisfræði, fyrir læknanema, hjúkrunarfræðinema, sjúkraþjálfunarnema og fleiri hópa stúdenta á svið heilbrigðis- og lífvísinda. Stofnunin hefur yfir að ráða kennslustofur fyrir verklega kennslu í lífeðlisfræði, auk rannsóknarýmis fyrir kennara í lífeðlisfræði og nemendur í rannsóknatengdu námi undir þeirra leiðsögn, með tengdri aðstöðu. Flestir af kennurum í lífeðlisfræði eru starfandi innan Lífvísindaseturs HÍ, sem sér um að reka sameiginlega kjarnaaðstöðu fyrir rannsóknir í heilbrigðisvísindum, m.a. aðstöðu fyrir frumurækt, lagsjárskoðun, rafeindasmásjár og fleiri samskonar. 

Starfshlutfall er 100%
Umsóknarfrestur er til og með 12.08.2019

Nánari upplýsingar veitir
Þór Eysteinsson - [email protected] - 525 4887


Háskóli Íslands
Lífeðlisfræðistofnun
v/Vatnsmýrarveg
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira