Hoppa yfir valmynd
HeilbrigðisþjónustaHöfuðborgarsvæðið201905/1001Landspítali

Hjúkrunarfræðingur/ dagvinna í innlagnarstjórn og útskriftarteymi

Hjúkrunarfræðingur/ dagvinna í innlagnarstjórn og útskriftarteymi Landspítala

Laust er til umsóknar starf hjúkrunarfræðings í blandað starf við innlagnarstjórn á Landspítala og í útskriftarteymi flæðisdeildar. Innlagnarstjóri hefur það hlutverk að hafa yfirsýn og stýra bráðainnlögnum sjúklinga á legudeildir Landspítala, stýra flutningum sjúklinga á milli deilda og í varanleg úrræði utan Landspítala. 
Útskriftarteymið er starfsfólki, sjúklingum og aðstandendum til ráðgjafar og aðstoðar við flóknar útskriftir. 
Í teyminu starfa 9 manns í nánu samstarfi við starfsmenn spítalans og aðrar stofnanir. Um er að ræða dagvinnu og bakvaktir samkvæmt nánara samkomulagi.

Við viljum ráða öflugan, skipulagðan hjúkrunarfræðing sem er með góða þekkingu á heilbrigðiskerfinu, með góða samskiptahæfni og sem á auðvelt með að vinna undir álagi og í teymi. Æskilegt að umsækjandi geti hafið störf sem fyrst eða eftir nánara samkomulagi. 

Helstu verkefni og ábyrgð
» Verkefni tengd innlögnum og útskrift 
» Samskipti við aðrar stofnanir
» Samhæfing þjónustu

Hæfnikröfur
» Fjölbreytt starfsreynsla 
» Góð þekking á heilbrigðiskerfinu
» Faglegur metnaður í starfi
» Góð íslenskukunnátta 
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Ráðning byggir m.a. á innsendum gögnum og viðtölum. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 27.05.2019

Nánari upplýsingar veitir
Herdís Herbertsdóttir - [email protected] - 824 5956
Bára Benediktsdóttir - [email protected] - 824 5909


Landspítali
Flæðisdeild
Fossvogi
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira