Hoppa yfir valmynd
HeilbrigðisþjónustaHöfuðborgarsvæðið201905/962Landspítali

Hjúkrunarnemi/ hlutastarf á speglunardeild

Hjúkrunarnemi/ hlutastarf á speglunardeild Landspítala

Áhugasamur og metnaðarfullur hjúkrunarnemi óskast til starfa á speglunardeild Landspítala. Starfshlutfall er 80-100% yfir sumarmánuðina júní - ágúst 2019 og/eða 20-30% starf frá hausti (sept. 2019 - maí 2020) sem gæti hentað vel með námi. Tekið er tillit til námsins við skipulag vakta.

Speglunareiningin sinnir bæði almennum speglunum en er einnig sú sérhæfðasta á landinu og sinnir því sjúklingum alls staðar að. Á deildinni starfar um 25 manna hópur samhentra starfsmanna, í nánu samstarfi við marga sérfræðinga Landspítala. Starfsstöðvar eru tvær, við Hringbraut þar sem stærri hluti speglana fer fram og í Fossvogi. 
Deildin er í sókn á mörgum sviðum. Þjónusta við sjúklinga hefur verið bætt og aukin, mikil og góð samvinna er við aðra starfsemi spítalans og hafa svæfingar við flóknari inngrip aukist mikið. Það hefur verið forsenda fyrir því að nýjar tegundir inngripa eru í boði og eru frekari nýjungar og framþróun á stefnuskránni. Það er ljóst að áhugasamir hjúkrunarfræðingar munu gegna lykilhlutverki í þessari þróun, sem mun halda áfram þegar speglunardeild flytur í nýjan meðferðarkjarna. 

Starfsánægja á speglunardeild er með því besta sem gerist á Landspítala. Hér skipta góð samskipti og gagnkvæm virðing miklu máli, sem og skýr meðferðarmarkmið og áþreifanlegur árangur. Á deildinni starfar öflugur hópur hjúkrunarfræðinga sem getur miðlað mikilli þekkingu og reynslu. Áhersla er lögð á að taka vel á móti nýjum starfsmönnum og að veita góða og markvissa aðlögun. 

Við tökum vel á móti nýju fólki og veitum góða einstaklingshæfða aðlögun. Velkomið að kíkja í heimsókn, áhugasamir hafið samband við Þórhildi deildarstjóra.

Helstu verkefni og ábyrgð
» Hlutverk og ábyrgð í samræmi við starfslýsingar hjúkrunarnema eftir lengd náms
» Þátttaka í þverfaglegri teymisvinnu
» Stuðlar að góðum starfsanda

Hæfnikröfur
» Hafa lokið 1-3 árum í hjúkrunarfræði, verkefni og ábyrgð fara lengd náms
» Sveigjanleiki og lipurð í mannlegum samskiptum
» Hæfni til að vinna sjálfstætt og í teymi
» Góð almenn tölvukunnátta og færni í mæltu og rituðu máli

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá, auk gagna um stöðu í hjúkrunarnámi. Öllum umsóknum verður svarað. 

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Ný speglunartækni

Starfshlutfall er 80 - 100%
Umsóknarfrestur er til og með 27.05.2019

Nánari upplýsingar veitir
Þórhildur Höskuldsdóttir - [email protected] - 825 6030

Landspítali
Speglun H
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira