Hoppa yfir valmynd
HeilbrigðisþjónustaHöfuðborgarsvæðið201905/964Landspítali

Ljósmóðir - Bráðaþjónusta kvennadeilda

Ljósmæður - bráðaþjónusta kvennadeilda

Vegna breytinga á fyrirkomulagi bráðaþjónustu kvennadeilda eru laus til umsóknar störf ljósmæðra. Bráðaþjónusta kvennadeilda verður staðsett á göngudeild mæðraverndar og fósturgreiningu á kvenna- og barnasviði Landspítala.
Um er að ræða morgun, kvöld- og helgarvaktir. Starfshlutfall 40-100%. Til greina kemur að ráða í lægra starfshlutfall ef viðkomandi starfar jafnframt á öðrum deildum kvennadeildarhúss Landspítala. Ráðið verður í stöðurnar frá 15. september 2019 eða eftir samkomulagi.

Helstu verkefni og ábyrgð
» Móttaka og umönnun kvenna með bráð vandamál vegna kvensjúkdóma eða einkenna frá kvenlíffærum
» Móttaka og umönnun kvenna með bráð vandamál á meðgöngu eða eftir fæðingu
» Móttaka og umönnun kvenna í upphafi og aðdraganda fæðingar
» Símsvörun og símaráðgjöf vegna kvensjúkdóma og bráðra vandamála á meðgöngu og eftir fæðingu. Einnig símaráðgjöf í aðdraganda fæðingar
» Þátttaka í faglegri þróun umönnunar sem veitt er á deildinni
» Virk þátttaka í teymis- og umbótastarfi
» Klínísk kennsla nema á deild

Hæfnikröfur
» Íslenskt ljósmóðurleyfi
» Íslenskt hjúkrunarleyfi æskilegt
» Sjálfstæði í vinnubrögðum og hæfni til að vinna í teymi 
» Góð samskiptahæfni og jákvætt viðhorf
» Faglegur metnaður og frumkvæði í starfi
» 2-5 ára starfsreynsla af ljósmóðurstörfum á meðgöngu- og sængurlegudeild/ áhættumæðravernd og í fæðingarhjálp er æskileg
» Reynsla af hjúkrun á kvenlækningadeild er kostur
» Áhugi á símaráðgjöf og bráðaþjónustu
» Reynsla af vaktstjórn er kostur
» Reynsla af símaráðgjöf er kostur

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.
Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 40 - 100%
Umsóknarfrestur er til og með 27.05.2019

Nánari upplýsingar veitir
Ingibjörg Th Hreiðarsdóttir - [email protected] - 824 5828
Stefanía Guðmundsdóttir - [email protected] - 869 9975


Landspítali
Göngudeild mæðraverndar og fósturgreining
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira