Hoppa yfir valmynd
HeilbrigðisþjónustaHöfuðborgarsvæðið201905/998Landspítali

Sérfræðingur í barnahjúkrun

Sérfræðingur í barnahjúkrun

Laus er til umsóknar staða sérfræðings í barnahjúkrun við göngudeild Barnaspítala Hringsins Landspítala. Starfshlutfall er 80%. Starfið veitist frá júlí 2019 eða eftir samkomulagi.

Sérfræðingur í hjúkrun starfar samkvæmt starfslýsingu en meginhlutverk auk klínískra starfa er ráðgjöf og kennsla til starfsfólks og nemenda auk rannsóknar- og þróunarvinnu. Enn fremur felur starfið í sér uppbyggingu, samræmingu og skipulagningu þjónustu við sjúklinga í samvinnu við aðrar heilbrigðisstéttir. 

Helstu verkefni og ábyrgð
» Þróun hjúkrunar innan sérgreinar
» Gæða- og rannsóknarvinna, þekkingarþróun og innleiðing nýjunga
» Kennsla, fræðsla og ráðgjöf 
» Þróun og uppbygging hjúkrunar barna með langvinna sjúkdóma á göngudeild Barnaspítala Hringsins, með sérstakri áherslu á hjúkrun barna með taugasjúkdóma
» Klínísk störf á göngudeild 

Hæfnikröfur
» Sérfræðileyfi í barnahjúkrun í samræmi við reglugerð nr. 124/2003 um sérfræðileyfi í hjúkrun
» A.m.k. 5 ára starfsreynsla við barnahjúkrun
» Reynsla af teymisvinnu, kennslu, rannsóknum, gæða- og þróunarstarfi
» Góðir samstarfs- og samskiptahæfileikar
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum.

Umsókn skal fylgja ítarleg náms- og starfsferilskrá. Jafnframt skal leggja fram afrit af prófskírteinum og hjúkrunarleyfi ásamt afriti af ritgerðum, þróunarverkefnum og vísindastörfum sem umsækjandi hefur unnið, tekið þátt í að vinna eða birt.
Mat hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80%
Umsóknarfrestur er til og með 27.05.2019

Nánari upplýsingar veitir
Ingileif Sigfúsdóttir - [email protected] - 543 3705/ 824 5862


Landspítali
Göngudeild BH
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira