Hoppa yfir valmynd
SérfræðistörfHöfuðborgarsvæðið201905/1030Ríkislögreglustjóri

Aðalvarðstjórar - fjarskiptamiðstöð ríkislögreglustjóra

Aðalvarðstjórar- fjarskiptamiðstöð ríkislögreglustjóra - Reykjavík 
 
Við embætti ríkislögreglustjóra eru lausar til umsóknar tvær (2) stöður aðalvarðstjóra í fjarskiptamiðstöð ríkislögreglustjóra (FMR), Skógarhlíð í Reykjavík. Ríkislögreglustjóri skipar í stöðurnar frá og með 1. ágúst 2019. 
 
Helstu verkefni:
Aðalvarðstjórar FMR annast stjórnun vaktar og fjarskipta í stjórnsal. Þeir bera ábyrgð á að brýnum erindum í alþjóðamálum sé sinnt og svörun samfélagsmiðla lögreglu. Þeir koma að stefnumótun og áætlanagerð á sviði FMR ásamt öðrum verkefnum sem þeim eru falin af yfirmönnum sínum og er samkvæmt starfslýsingu þeirra.
 
Menntunar- og hæfniskröfur:
Til þess að hljóta skipun í starf aðalvarðstjóra skal umsækjandi hafa starfað sem lögreglumaður í að minnsta kosti 2 ár frá því hann lauk prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar. Sá sem skipaður er til að gegna þessum störfum skal sækja námskeið hjá mennta- og starfsþróunarsetri lögreglu, þegar slíkt námskeið er í boði, sem sniðið er að viðkomandi starfi, svo sem námskeið fyrir millistjórnendur í lögreglu og námskeið fyrir varðstjóra, hafi viðkomandi ekki sótt slíkt námskeið áður.
Góð þekking á lögreglukerfinu (LÖKE) er mikilvæg.
Góð tölvukunnátta er skilyrði.
Geta til að vinna með rafrænar upplýsingar er mikilvæg.
Góð enskukunnátta er skilyrði, önnur tungumálakunnátta er kostur.
Þekking á Schengen-upplýsingakerfinu er kostur.
Gerð er krafa um reynslu af stjórnun, hæfni til að vinna undir álagi, skipulagshæfileika og hæfni og lipurð í mannlegum samskiptum.

Nánari upplýsingar veita Jónína S. Sigurðardóttir og Gylfi H.Gylfason í síma 570-2613/570-2611.

Umsóknarfrestur er til og með 15. júní nk. og skal umsóknum skilað á netfangið [email protected]  eða til embættis ríkislögreglustjóra, Skúlagötu 21, 101 Reykjavík, merkt aðalvarðstjórar FMR. Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum  „Eyðublöð – Ýmis leyfi“. - Í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um.

Öllum umsóknum verður svarað þegar ákvörðun um skipun hefur verið tekin.

Ráðningakjör eru samkvæmt kjarasamningi Landssambands lögreglumanna og fjármálaráðherra f.h. ríkissjóðs. Starfshlutfall er 100%.. Störfin eru vaktavinna. Umsóknir sem berast eftir að umsóknarfresti lýkur verða ekki teknar til greina.

Reykjavík, 14. maí 2019
Ríkislögreglustjóri

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira