Hoppa yfir valmynd
SérfræðistörfHöfuðborgarsvæðið201905/1029Ríkislögreglustjóri

Aðalvarðstjórar – sérsveit ríkislögreglustjóra

Aðalvarðstjórar –sérsveit ríkislögreglustjóra

Við embætti ríkislögreglustjóra eru lausar til umsóknar  tvær tímabundnar stöður aðalvarðstjóra í sérsveit ríkislögreglustjóra. Starfsstöð er að Skúlagötu 21, Reykjavík. Ríkislögreglustjóri setur í stöðurnar frá og með 1. september 2019 til eins árs.

Umsækjendur skulu hafa lokið prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar og vera starfandi í sérsveit ríkislögreglustjóra og er æskilegt að þeir hafi 5 ára starfsaldur í sérsveit. Umsækjendur þurfa að hafa haldgóða þekkingu á sérsveitarmálefnum og æskilegt að hafi reynslu af stjórnun og þjálfun í sérsveit. Góðir hæfileikar og lipurð til mannlegra samskipta, skipulagshæfileikar, frumkvæði, nákvæmni í vinnubrögðum og færni til að leiða hóp eru mikilvægir eiginleikar. 

Umsóknum skal skilað til ríkislögreglustjóra, Skúlagötu 21, 101 Reykjavík, en umsóknarfrestur er til og með 15. júní 2019. Guðmundur Ómar Þráinsson aðstoðaryfirlögregluþjónn veitir nánari upplýsingar um starfið í síma 444-2500.

Ráðningakjör eru skv. kjarasamningi Landssambands lögreglumanna og fjármálaráðherra f.h. ríkissjóðs.  Starfshlutfall er 100% og eru störfin í dagvinnu. Umsóknir sem berast eftir að umsóknarfresti lýkur verða ekki teknar til greina.  Öllum umsóknum verður svarað þegar ákvörðun um setningu hefur verið tekin. 

Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum „eyðublöð“. 

Reykjavík, 14. maí 2019
Ríkislögreglustjóri

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira