Hoppa yfir valmynd
Kennsla og rannsóknirHöfuðborgarsvæðið201905/1061Háskóli Íslands

Doktorsnemi við Raunvísindadeild

Doktorsnemi við Raunvísindadeild Verkfræði- og náttúruvísindasviðs Háskóla Íslands 

Auglýst er eftir doktorsnema við Raunvísindadeild, Háskóla Íslands vegna verkefnisins: Hitun rafeinda og endurvinnsla jóna í háaflspúlsaðri segulspætu. Verkefnið hefur hlotið styrk frá Rannsóknasjóði Íslands til þriggja ára.

Helstu verkefni og ábyrgð
Verkefnið snýst um að kanna hitunarferli rafeinda og rafgasefnafræðina í háaflspúlsaðri hvarfaspætu. Byggt er á jónunarsvæðislíkaninu sem hefur verið í þróun undanfarinn áratug og hefur verið beitt til að fá innsýn í eiginleika háaflspúlsaðrar segulspætu. Megin vinnan felst í að bæta hvarfagasi eins og súrefni og nitri við líkanið og kanna áhrif þess á eiginleika afhleðslunnar.

Verkefnið er unnið í samstarfi vísindamanna við Háskóla Íslands, Konunglega Tækniháskólann í Stokkhólmi og Paris Sud háskólans í Orsay, Frakklandi. Verkefnið felst að mestu í líkanagerð en einhverrar tilraunavinnu er krafist. Sem hluta af verkefninu er þess vænst að nemandinn kynni niðurstöður sínar með fyrirlestrum á alþjóðlegum ráðstefnum og ritun greina í viðurkennd vísindatímarit.

Frekari upplýsingar um verkefnið er að finna á: http://langmuir.raunvis.hi.is/_tumi/hipims.html

Hæfnikröfur
>> Meistarapróf í eðlisfræði, efnaverkfræði, eðlisverkfræði, rafmagnsverkfræði, eða efnisvísindum.
>> Umsækjandi þarf að vera sjálfstæður í vinnubrögðum og búa yfir hæfni í mannlegum samskiptum.
>> Gert er ráð fyrir að umsækjandi hafi góðan bakgrunn í rafsegulfræði og atómeðlisfræði og færni í notkun MATLAB, c++ og LaTeX.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Æskilegt er að umsækjandi geti hafið störf 1. ágúst 2019. 

Í framhaldi af ákvörðun um ráðningu þarf viðkomandi að sækja formlega um doktorsnám við Háskóla Íslands.
Umsókn skal fela í sér útskýringu á áhuga umsækjanda á verkefninu og hvað viðkomandi telur sig hafa fram að færa við mótun og vinnslu verkefnisins. Umsóknin skal ekki vera lengri en þrjár blaðsíður. Vinsamlega sendið með umsókn: (i) ferilskrá, (ii) afrit af prófskírteinum (grunnnám og meistarapróf), og (iii) tvö meðmælabréf með upplýsingum um hvernig má hafa samband við meðmælendur.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Verkfræði- og náttúruvísindasviði starfa 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2300 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem tilheyra báðar Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans. 
Háskóli Íslands er stærsta kennslu-, rannsókna- og vísindastofnun Íslands og er í hópi 250 bestu háskóla heims samkvæmt nýjum matslista Times Higher Education.

Starfshlutfall er 100%
Umsóknarfrestur er til og með 18.06.2019

Nánari upplýsingar veitir
Jón Tómas Guðmundsson - [email protected] - +46 8 790 7688


Háskóli Íslands
Raunvísindadeild
Hjarðarhaga 2-6
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira