Hoppa yfir valmynd
Kennsla og rannsóknirHöfuðborgarsvæðið201905/1138Háskóli Íslands

Doktorsnemi í jarðeðlisfræði

Doktorsnemi í jarðeðlisfræði, Verkfræði- og náttúruvísindasvið, Háskóli Íslands 

Fullt starf doktorsnema við Háskóla Íslands er laust til umsókna. Starfið er hjá Jarðvísindastofnun og er styrkt til þriggja ára fyrir doktorsnema í jarðeðlisfræði með áherslu á rannsóknir á fornsegulsviði.

Helstu verkefni og ábyrgð
Fornsegulmagn Vestfjarða:
Þegar hraun kólna, varðveita járnoxíðsteindir stefnu og styrk segulsviðs jarðar. Með mælingum á hraunum er hægt að áætla þær breytingar sem átt hafa sér stað í segulsviðinu til forna. Markmið þessa verkefnis er að rannsaka fornsegulsvið jarðar í hraunlagastafla Vestfjarða og kanna tengsl milli stefnubreytinga fornsegulsviðsins og styrks þess á tíma tíðra umpólana. Norðurpóll segulsviðs jarðar hefur oft á tíðum skipt um stefnu, ferli sem kallast umpólun. Tímabilið milli umpólana getur verið breytilegt og rannsóknir sýna að tíðni umpólana síðustu 160 milljón árin náði hámarki fyrir 8 til 12 milljón árum. Hraunlagastafli Vestfjarða, sem er 8 til 15 milljón ára gamall samkvæmt aldursgreiningum, er kjörinn staður til að rannsaka tengslin milli stefnu og styrks segulsviðsins á þessu tímabili jarðsögunar þegar tíðni umpólana var sem hæst. Nemandinn mun taka að sér jarðfræðikortlagningu og segulmælingar á tilgreindu svæði á Vestfjörðum, gera nýjar mælingar á stefnu og styrk segulsviðs í hraunum, framkvæma nákvæmar segulmælingar og smásjárathuganir í bergi og gera aldursgreiningar. Rannsóknarvinna mun fara fram við Háskóla Íslands en einnig við samstarfsháskóla í Japan og Bandaríkjunum. Dr. Maxwell Brown hefur umsjón með verkefninu.

Hæfnikröfur
>>Meistaragráða í jarðeðlisfræði eða jarðfræði (MSc eða MESci).
>>Reynsla af fornsegulfræði og/eða segulmögnun bergs og reynsla af feltvinnu er kostur.
>>Sjálfstæði í vinnubrögðum og geta til að vinna í teymi.
>>Góð hæfni í mannlegum samskiptum. 
>>Góð enskukunnátta í töluðu og rituðu máli.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að starfið hefjist í september 2019.

Umsókninni skal fylgja:
>>Greinargerð um áhuga umsækjanda á verkefninu, hvaða hluti þess vekur mestan áhuga og hvað hann eða hún telur sig hafa fram að færa við mótun og vinnslu verkefnisins. Greinargerðin skal ekki vera lengri en 2 blaðsíður.
>>Ferilskrá og ritalisti
>>Staðfest afrit af námsárangri í námskeiðum (BSc og MSc gráða)
>>Afrit af prófskírteinum (BSc og MSc gráða)
>>Nöfn tveggja umsagnaraðila og upplýsingar um hvernig má hafa samband við þá (nafn, staða, stofnun, netfang og símanúmer, og samband umsækjanda við umsagnaraðila).

Í framhaldi af ákvörðun um ráðningu þarf að sækja formlega um doktorsnám í Háskóla Íslands, við Verkfræði- og náttúruvísindasvið. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Nánari upplýsingar veitir Dr. Maxwell Brown, [email protected] eða 525-4730.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Verkfræði- og náttúruvísindasviði starfa 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2300 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem tilheyra báðar Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans. 

Háskóli Íslands er stærsta kennslu-, rannsókna- og vísindastofnun Íslands og er í hópi 250 bestu háskóla heims samkvæmt nýjum matslista Times Higher Education.

Starfshlutfall er 100%
Umsóknarfrestur er til og með 10.07.2019

Nánari upplýsingar veitir
Ragnheiður K Hjálmarsdóttir - [email protected] - 525 4000


Háskóli Íslands
Raunvísindadeild
Hjarðarhaga 2-6
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira