Hoppa yfir valmynd
Kennsla og rannsóknirVesturland201905/1153Landbúnaðarháskóli Íslands

Afleysingakennari í búfræði

 
Afleysingakennari í búfræði

Landbúnaðarháskóli Íslands óskar eftir að ráða öflugan og metnaðarfullan starfsmann til afleysingakennslu í búfræði skólaárið 2019-2020 við Starfs- og endurmenntunardeild Landbúnaðarháskóla Íslands á Hvanneyri.

Búfræði er tveggja ára nám á framhaldsskólastigi með námslok á hæfniþrepi 3. Þungamiðja námsins er á sviði búfjárræktar, jarðræktar og búrekstrar. Markmið búfræðináms er að auka þekkingu og færni einstaklingsins til að takast á við búrekstur og alhliða landbúnaðarstörf. Áhersla er einnig lögð á hvers kyns nýsköpun í búrekstri og nýtingu landsins gæða með sjálfbærni að leiðarljósi. 

Um er að ræða fullt starf sem felur í sér m.a. bóklega og verklega kennslu, samskipti við nemendur og samstarfsaðila.  Viðkomandi þarf því að hafa víðtæka þekkingu á landbúnaði. 

Viðkomandi þarf að hafa búfræðimenntun og háskólagráðu í búvísindum eða sambærilega menntun, auk reynslu af landbúnaðarstörfum og kennslu. Starfsstöð kennara í  búfræði er á Hvanneyri.  

Mikilvægir eiginleikar í starfinu eru m.a. frumkvæði, faglegur metnaður, skipulagshæfileikar og samskiptahæfni, auk ríks vilja til að vinna með ungu fólki í skapandi umhverfi.  

Launakjör eru samkvæmt kjarasamningum opinberra starfsmanna. 

Nánari upplýsingar um starfið veitir Guðríður Helgadóttir ([email protected]) í síma 8435314.

Umsóknarfrestur er til og með 24. júní nk. en viðkomandi þarf að geta hafið störf í ágúst 2019.  Umsóknir skulu sendar til Landbúnaðarháskóla Íslands b/t Örnu Garðarsdóttur, Ásgarði, Hvanneyri 311 Borgarnes eða á [email protected]  

Umsóknir geta gilt í sex mánuði frá því að umsóknarfresti lýkur. Öllum umsóknum verður svarað þegar ákvörðun um ráðningu liggur fyrir.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira