Hoppa yfir valmynd
Kennsla og rannsóknirHöfuðborgarsvæðið201906/1180Háskóli Íslands

Doktorsnemi við rannsóknir á áhrifum umritunar á frumusérhæfingu

Lífvísindasetur Háskóla Íslands, doktorsnemi við rannsóknir á áhrifum umritunar á frumusérhæfingu.

Auglýst er eftir metnaðarfullum og drífandi doktorsnema til rannsókna á sameindaferlum og stjórnun umritunar í stofnfrumum úr fósturvísum músa við Háskóla Íslands. Verkefnið hefur hlotið styrk frá Doktorssjóði Háskóla Íslands til þriggja ára. 

Verkefnið verður unnin við Lífvísindasetur (http://lifvisindi.hi.is) innan Læknadeildar Háskóla Íslands. Jafnframt munu nemarnir vera tengdir við Námsbraut í sameindalífvísindum við Háskóla Íslands. Við Námsbrautina er boðið upp á sameiginlegt framhaldsnám á milli rannsóknarstofa við Háskóla Íslands og stofnanir tengdum honum. Aðalmarkmið námsbrautarinnar er að skapa lifandi og þverfaglegt námsumhverfi jafnframt því að efla rannsóknir og nám í sameindalíffræði. Námsbrautin býður up á tækifæri í rannsóknum og menntun í örvandi umhverfi fyrir nemendur sem vinna að meistara- eða doktorsgráðu. 

Helstu verkefni og ábyrgð
Doktorsneminn mun rannsaka stjórnun umritunar við frumusérhæfingu, með það að markmiði að varpa ljósi á sameindaferla þá sem stjórna frumusérhæfingu á frumfóstursskeiði. Rannsóknirnar munu meðal annars miða við erfðamengisgreiningar (genome wide assays) eins og mótefnafellingar litnis og rannsóknir á genatjáningu þar sem notast verður við háhraðaraðgreiningu. Að auki verður notast við hefðbundnari sameindalíffræðilegar, lífefnafræðilegar og frumulíffræðilegar aðferðir auk CRISPR-Cas9 erfðabreytingartækninnar. Erna Magnúsdóttir, dósent við Læknadeild verður leiðbeinandi í þessu verkefni. Heimasíðu rannsóknarhópsins má finna á http://magnuslab.is/

Hæfnikröfur
>>Leitað er að framúrskarandi nemanda með meistarapróf í lífefnafræði, sameindalífvísindum eða skyldum greinum.
>>Góð reynsla af sjálfstæðum vísindastörfum á rannsóknastofu við sameindalíffræði og frumulíffræði.
>>Færni og reynsla í vinnu við frumuræktir spendýrafruma er nauðsynleg.
>>Góð tölvufærni æskileg.
>>Góð enskukunnátta er nauðsynleg, bæði töluð og rituð.
>>Umsækjendur verða að geta unnið sjálfstætt og hafa góða samskiptafærni.
>>Umsækjendur skulu uppfylla skilyrði til innritunar í doktorsnám á Heilbrigðisvísindasviði.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Vinsamlega skilið eftirfarandi gögnum með umsókninni:
>>Stuttu bréfi (ekki meira en 2 bls.) þar sem umsækjandi lýsir því hvernig hann uppfyllir skilyrði auglýsingarinnar. Auk þess skal lýst áhuga viðkomandi fyrir verkefninu og hvað hann getur lagt af mörkum til þess.
>>Ferilskrá.
>>Staðfest afrit af prófskírteinum (grunn- og meistaranám) og einkunnadreifing.
>>Nöfn, sími og tölvupóstfang tveggja meðmælanda (og lýsing á tengslum þeirra við umsækjandann).
>>Yfirlit yfir birtingar.
>>Umsækjendum er einnig boðið að senda PDF útgáfu af meistararitgerð sinni (á hvaða tungumáli sem er), sem og aðrar birtingar sem við eiga (hámark 5 skjöl).

Áætlað er að verkefnið hefjist í september 2019. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá umsóknarfresti. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Heilbrigðisvísindasvið Háskóla Íslands er í fararbroddi á sviði heilbrigðismála á Íslandi og gegnir lykilhlutverki í uppbyggingu íslenska heilbrigðiskerfisins með menntun heilbrigðisstarfsmanna. Helstu sérfræðingar þjóðarinnar í heilbrigðisvísindum koma að kennslu og rannsóknum á sviðinu.

Starfshlutfall er 100%
Umsóknarfrestur er til og með 05.07.2019

Nánari upplýsingar veitir
Erna Magnúsdóttir - [email protected] - 525 4000


Háskóli Íslands
Læknadeild
v/Vatnsmýrarveg
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira