Hoppa yfir valmynd
SérfræðistörfNorðurland201906/1189Háskólinn á Akureyri

Forstöðumaður Miðstöðvar skólaþróunar



Háskólinn á Akureyri 
Forstöðumaður Miðstöðvar skólaþróunar


Laus er til umsóknar staða forstöðumanns Miðstöðvar skólaþróunar við Háskólann á Akureyri (MSHA). Um er að ræða 100% starf. Gert er ráð fyrir því að stjórnunarhluti starfsins sé um 50% og verkefni á vettvangi skólastarfs 50%.  Æskilegt er að viðkomandi geti hafið störf sem fyrst.

Forstöðumaður Miðstöðvar skólaþróunar ber faglega og fjárhagslega ábyrgð á starfsemi Miðstöðvar skólaþróunar og vinnur ásamt sérfræðingum að stefnumótun og áætlanagerð (starfsáætlun, fjárhagsáætlun, starfsþróunaráætlun o.fl.). Hann hefur ásamt þeim forgöngu um nýbreytni í starfi miðstöðvarinnar og þróun verkefna.

Miðstöð skólaþróunar starfar innan hug- og félagsvísindasviðs háskólans í nánu samstarfi við kennaradeild. Meginviðfangsefni hennar lúta að ráðgjöf og fræðslu til kennara og skólastjóra varðandi þróunar- og umbótastarf á vettvangi skóla. Miðstöðin stendur einnig fyrir fjölbreyttum ráðstefnum og fræðslufundum. Næsti yfirmaður er forseti hug- og félagsvísindasviðs. Vinnustaður er á Sólborg v/Norðurslóð, Akureyri. Sjá nánar á vefslóðinni msha.is

Menntunar- og hæfniskröfur:
Háskólapróf með sérþekkingu í menntunarfræði og að lágmarki lektorshæfi á sviði fræða sem tengjast starfsemi miðstöðvarinnar.
Leyfisbréf til kennsluréttinda og reynsla af kennslu í leik-, grunn- eða framhaldsskóla.
Reynsla af stjórnun og rekstri nauðsynleg.
Reynsla af kennsluráðgjöf og umsjón með þróunarstarfi í skólum er æskileg.
Frumkvæði og forystuhæfni.
Fagleg og lausnamiðuð vinnubrögð og samstarfshæfni.
Góð færni í íslensku og ensku er nauðsynleg og færni í einu skandinavísku tungumáli er æskileg.

Laun eru skv. kjarasamningi Félags háskólakennara á Akureyri og fjármálaráðherra.

Umsóknarfrestur er til og með 5. ágúst. Ekki eru notuð stöðluð umsóknareyðublöð.

Umsókn skal fylgja:
Greinargóð skýrsla um náms- og starfsferil, vísindastörf og stjórnunar- og kennslureynslu.
Staðfest afrit af viðeigandi prófskírteinum. 

Tilnefna skal þrjá meðmælendur. Æskilegt er að einn þeirra sé næsti yfirmaður umsækjanda í núverandi eða fyrra starfi hans.

Umsókn ásamt fylgigögnum skal senda rafrænt til skrifstofu rektors Háskólans á Akureyri á netfangið [email protected]. Ekki er notað staðlað umsóknaeyðublað.

Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga um opinbera háskóla nr. 85/2008, reglur fyrir Háskólann á Akureyri nr. 387/2009 og reglur nr. 258/2016 um störf dómnefndar og ráðningar akademískra starfsmanna við Háskólann á Akureyri. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér jafnframt rétt til að hafna öllum umsóknum.

Nánari upplýsingar gefa Laufey Petrea Magnúsdóttir, forstöðumaður Miðstöðvar skólaþróunar (netfang: [email protected], sími: 460-8590) og Anna Ólafsdóttir, forseti hug- og félagsvísindasviðs (netfang: [email protected], sími: 460-8577). 

Háskólinn á Akureyri stuðlar að jafnrétti kynjanna og hvetur konur jafnt sem karla að sækja um laus störf. 



Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira