Hoppa yfir valmynd
SérfræðistörfHöfuðborgarsvæðið201906/1178Háskóli Íslands

Sérfræðingur við Líf- og umhverfisvísindadeild

Sérfræðingur við Líf- og umhverfisvísindadeild, Verkfræði- og náttúruvísindasvið, Háskóli Íslands 

Laust er fullt starf sérfræðings innan Líf- og umhverfisvísindadeildar við Verkfræði- og náttúruvísindasvið Háskóla Íslands. Hér er um að ræða krefjandi og áhugavert verkefni sem unnið er í samstarfi Háskóla Íslands og einkafyrirtækis. Starfið og rannsóknakostnaður er kostað af StofnFiski.

Helstu verkefni og ábyrgð
Verkefnið ber heitið: Stjórn á kynþroska í eldislaxi.
Möguleg umhverfisáhætta af laxeldi í sjókvíum er vaxandi áhyggjuefni á Íslandi m.a. vegna hættunnar á að eldislaxar sleppi og hrygni með villtum íslenskum laxastofnum og blandist þeim. Með því að stjórna eða fyrirbyggja kynþroska hjá eldislaxi má draga úr þessari hættu. Markmið verkefnisins er að öðlast dýpri skilning á áhrifum erfða á stjórnum kynþroska og beita sameindaerfðafræðilegum aðferðum til að stýra honum.

Hlutverk sérfræðingsins er að hafa umsjón með rannsóknaverkefninu í samstarfi við sérfræðinga Stofnfisks og með aðkomu Roslin stofnunarinnar við Edinborgarháskóla. Verkefnið mun hafa aðgengi að fyrsta flokks aðstöðu: 1) eldisaðstöðu hjá Stofnfiski og sameindlíffræði og 2) rannsóknastofu í erfða- og þroskunarfæði við Háskóla Íslands. 

Sérfræðingurinn mun leiða rannsóknateymi og leiðbeina nemum í rannsóknanámi.

Hæfnikröfur
>>Doktorsgráða á sviði þroskunarfræði eða tengdum sviðum.
>>Þekking á nýjustu aðferðum sameindaerfðafræði, t.d. erfðabreytingum með CRISPR-Cas9 sem beitt verður til að öðlast betri skilning á þeim líffræðilegu ferlum sem liggja að baki kynþroska í laxfiskum.
>>Þekking og reynsla er tengist eldi og þroskunarfræði laxa eða laxfiska er kostur.
>>Góð samskiptahæfni, ásamt getu til að vinna bæði sjálfstætt og í rannsóknarteymi.
>>Góð enskukunnátta í rituðu og töluðu máli.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að umsækjandi hefi störf í byrjun september, þó ekki fyrr en lokið er störfum þeirra nefna er um ráðninguna fjalla. Ráðið verður í starfið tímabundið til 3 ára en mögulegt er að ráðningu verði framlengt um allt að 2 ár til viðbótar með heimild í 4. mgr. 17. gr. laga nr. 85/2008 um opinbera háskóla. Rannsóknaaðstaðan er staðsett í Öskju, hjá Líf- og umhverfivísindadeild Háskóla Íslands í Reykjavík. 

Umsókn skal fela í sér útskýringu á áhuga umsækjanda á verkefninu og hvað viðkomandi telur sig hafa fram að færa við mótun og vinnslu verkefnisins. Umsóknin skal ekki vera lengri en tvær blaðsíður. Vinsamlega sendið með umsókn: (i) ferilskrá með lista yfir birtingar, (ii) afrit af prófskírteinum, og (iii) tvö meðmælabréf með upplýsingum um hvernig má hafa samband við meðmælendur.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Verkfræði- og náttúruvísindasviði starfa 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2300 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem tilheyra báðar Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans. 

Háskóli Íslands er stærsta kennslu-, rannsókna- og vísindastofnun Íslands og er í hópi 250 bestu háskóla heims samkvæmt nýjum matslista Times Higher Education.

StofnFiskur/Benchmark stundar kynbætur og rannsóknir á erfðafræði Atlantshafslax með aðsetur á Íslandi. Vikulega framleiðir fyrirtækið laxahrogn til útflutnings til allra heimshorna. Höfuðstöðvar fyrirtækisins eru í Hafnarfirði, en auk þess rekur fyrirtækið fjórar eldistöðvar í Kollafirði og á Reykjanesi. StofnFiskur er í eigu Benchmark plc. Nánari upplýsingar á www.stofnfiskur.is. Benchmark Genetics vinnur að þróun á sviði fiskeldis. Frá stofnun fyrirtækisins árið 2000 hefur Benchmark stöðugt unnið að því að auka þekkingu á sviði erfðafræði, næringarfræði, dýraheilbrigðis og fiskeldis, til að þjóna viðskiptavinum sínum með áherslu á að bæta ávöxtun, arðsemi og sjálfbærni í framboði á afurðum. Félagið hefur leiðandi stöðu á markaði og hefur byggt upp öflugt rannsókna- og þróunarstarf og framleiðslu- og dreifingargetu til að þjóna öllum helstu fiskeldismörkuðum heims. Benchmark starfar í 27 löndum á heimsvísu og þar starfa um 950 manns. Nánari upplýsingar á www.benchmarkplc.com.

Auk neðangreinds tengiliðar veitir upplýsingar Eduardo Rodriguez, hjá Stofnfiski , netfang: [email protected]

Starfshlutfall er 100%
Umsóknarfrestur er til og með 06.08.2019

Nánari upplýsingar veitir
Zophonías Oddur Jónsson - [email protected] - 525 4000


Háskóli Íslands
Líf- og umhverfisvísindadeild
Hjarðarhaga 2-6
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira