Hoppa yfir valmynd
SérfræðistörfHöfuðborgarsvæðið201906/1199Útlendingastofnun

Viðskiptafræðingur

Viðskiptafræðingur

Útlendingastofnun auglýsir eftir viðskiptafræðingi

Helstu verkefni og ábyrgð
Um er að ræða nýtt, krefjandi, fjölbreytt og áhugavert starf. 
Verksvið er meðal annars vinnsla gagna, áætlanagerð, innkaup, greiðsla reikninga, samskipti við birgja og önnur tilfallandi verkefni.

Hæfnikröfur
Viðskiptafræðimenntun
Góð tungumálakunnátta, íslenska og enska, bæði í töluðu og rituðu máli
Mjög góð tölvukunnátta og færni í excel
Reynsla af áætlanagerð og vinnslu gagna
Reynsla og þekking á sviði straumlínustjórnunar og opinberrar stjórnsýslu æskileg
Reynsla og þekking á Oracle 
Geta til að vinna undir álagi
Færni og lipurð í mannlegum samskiptum.
Frumkvæði, skipulagshæfni og sjálfstæði
Rík þjónustulund og hæfni til vinna í teymi 

Viðkomandi þarf að geta hafið störf sem fyrst.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Kjarafélag viðskipta- og hagfræðinga hafa gert.
Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum, með síðari breytingum. 
Sækja skal um rafrænt hér að neðan. Umsóknir sem að berast eftir að umsóknarfrestur er liðinn, verða ekki teknar til afgreiðslu. 

Óskað er eftir að umsókn fylgi greinargóð starfsferilskrá, staðfestar upplýsingar um menntun auk kynningarbréfs þar sem umsækjandi gerir grein fyrir ástæðu umsóknar og rökstyður hæfni sína í starfið. Mat á hæfni umsækjenda í starfið byggir m.a. á innsendum gögnum.
Öllum umsóknum verður svarað þegar ákvörðun um ráðningu hefur verið tekin. 

Útlendingastofnun er ein af undirstofnunum dómsmálaráðuneytisins og starfar samkvæmt lögum nr. 80/2016 um útlendinga, reglugerð um útlendinga nr. 540/2017 og reglugerð um vegabréfsáritanir nr. 1160/2010. Útlendingalöggjöfin gildir um heimild útlendinga til að koma til landsins og dvelja hér á landi.

Umfangsmesti þátturinn í starfsemi Útlendingastofnunar er útgáfa dvalarleyfa. Útlendingastofnun afgreiðir allar umsóknir um dvalarleyfi, hvort sem um er að ræða dvalarleyfi á grundvelli atvinnuþátttöku, fjölskyldusameiningar, námsvistar eða vistráðningar, afgreiðir vegabréfsáritanir og umsóknir um alþjóðlega vernd.
Hjá Útlendingastofnun starfa um 90 starfsmenn á tveimur starfsstöðvum, á Dalvegi 18 í Kópavogi og Bæjarhrauni 18 í Hafnarfirði.

Starfshlutfall er 100%
Umsóknarfrestur er til og með 01.07.2019

Nánari upplýsingar veitir
Hanna Þóra Hauksdóttir - [email protected] - 444-0900


Útlendingastofnun 
Dalvegi 18
201 Kópavogur


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira