Hoppa yfir valmynd
HeilbrigðisþjónustaNorðurland201906/1208Heilbrigðisstofnun Norðurlands/Sjúkrahúsið á Akureyri

Geðlæknir

Geðlæknir

Heilbrigðisstofnun Norðurlands og Sjúkrahúsið á Akureyri auglýsa sameiginlega 100% stöðu sérfræðings í geðlækningum. Viðkomandi sinnir verkefnum á Heilbrigðisstofnun Norðurlands í 50% starfshlutfalli og 50% á Sjúkrahúsinu á Akureyri. 

Starfsemi Heilbrigðisstofnunar Norðurlands (HSN) nær frá Blönduós í vestri til Þórshafnar í austri. Á upptökusvæðinu búa um 35.000 manns og starfsmannafjöldi er um 530 talsins.
Heilbrigðisstofnun Norðurlands veitir heilsugæsluþjónustu, sjúkrahúsþjónustu auk öldrunarþjónustu í formi hjúkrunar- og dvalarrýma. HSN er að koma á fót geðheilsuteymi sem er nýtt meðferðarúrræði sem stefnt er að að taki til starfa haustið 2019. 
Næsti yfirmaður er Örn Ragnarsson, framkvæmdastjóri lækninga.

Sjúkrahúsið á Akureyri er kennslusjúkrahús, sem veitir almenna og sérhæfða heilbrigðisþjónustu. Áhersla er lögð á bráðaþjónustu og helstu sérgreinameðferðir. Geðdeild Sjúkrahússins á Akureyri er eina geðdeildin utan höfuðborgarsvæðisins. Þar eru sex stöður lækna. Deildin þjónar aðallega íbúum Norður- og Austurlands 18 ára og eldri. Deildin skiptist í legudeild og dag- og göngudeild með fjölbreyttum verkefnum. Góð samvinna er við aðrar sjúkrahúsdeildir, heilsugæslustöðvar, félagsþjónustu sveitarfélaga, geðsvið Landspítalans og stofnanir SÁÁ fyrir fíknisjúklinga.
Næsti yfirmaður er Helgi Garðar Garðarsson, forstöðulæknir geðlækninga.

Helstu verkefni og ábyrgð
Starfið hjá Heilbrigðisstofnun Norðurlands felur í sér þátttöku í geðheilsuteymi sem verið er að koma á fót fyrir Norðurland. Geðheilsuteymið er annars stigs þjónusta sem veitir sérhæfða þjónustu og meðferð vegna geðraskana án innlagna á sjúkrahús. Markhópar þjónustu teymisins eru einstaklingar 18 ára og eldri með geðraskanir sem þurfa meiri þjónustu en hægt er að veita í fyrstu línu heilsugæslunnar en þurfa ekki á þjónustu geðdeildar að halda. Auk þess felur starfið í sér að vera ráðgefandi varðandi geðræn vandamál fyrir lækna á starfsstöðvum HSN.

Starfið á Sjúkrahúsinu á Akureyri felur í sér þjónustu við sjúklinga á legudeild geðdeildar sjúkrahússins, göngudeild og bráðamóttöku, ennfremur samvinnu við aðrar deildir sjúkrahússins og stofnanir á Norður- og Austurlandi. Starfinu fylgir vaktskylda, þátttaka í kennslu heilbrigðisstétta, þjálfun aðstoðar- og deildarlækna auk tækifæra til rannsóknarvinnu.

Hæfnikröfur
Umsækjandi skal hafa fullgild réttindi í geðlækningum. Við ráðningu verður lögð áhersla á faglega þekkingu auk hæfileika á sviði samskipta, samvinnu og sjálfstæðra vinnubragða.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Tekið er á móti rafrænum umsóknum á heimasíðu HSN, www.hsn.is og á www.starfatorg.is. Öllum umsóknum verður svarað þegar ákvörðun um ráðningu hefur verið tekin. Stofnanirnar áskila sér rétt til að hafna öllum umsóknum. Umsókn fylgi starfsferliskrá og upplýsingar um nám og fyrri störf. Umsækjendur eru auk þess beðnir um að skila kynningarbréfi með rökstuðningi fyrir hæfi og sýn á starfið.
Heilbrigðisstofnun Norðurlands og Sjúkrahúsið á Akureyri eru reyklausir vinnustaðir. 

Nánari upplýsingar um verkefni á Sjúkrahúsinu á Akureyri veitir:
Helgi Garðar Garðarsson, [email protected], s. 463 0100.

Starfshlutfall er 100%
Umsóknarfrestur er til og með 01.07.2019

Nánari upplýsingar veitir
Örn Ragnarsson - [email protected] - 455 4000

Akureyri
Hafnarstræti 99
600 Akureyri


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira