Hoppa yfir valmynd
SérfræðistörfHöfuðborgarsvæðið201906/1200Biskupsembættið

Samskiptastjóri

Biskupsstofa – Samskiptastjóri.

Biskupsstofa óskar eftir að ráða samskiptastjóra í fjölbreytt og krefjandi starf. Leitað er að einstaklingi sem hefur áhuga á málefnum þjóðkirkjunnar, hefur reynslu af ímyndarmálum og upplýsingamiðlun.

Starfið heyrir undir skrifstofustjóra Biskpupsstofu, á skrifstofunni starfa 36 einstaklingar en hjá embættinu starfa 137 prestar á landsvísu.

Starfssvið
Umsjón með kynningarmálum, útgáfumálum, ritstjórn ytri og innri vefs og fréttaskrif á heimasíðu.
Ímyndarmál.
Umsjón með innleiðingu stefnu í samskiptamálum.
Ritstjórn ársskýrslu.
Skipulag funda og ráðstefna.
Fjölmiðlatengsl.
Samfélagsleg ábyrgð, styrktarmál o.fl.

Menntunar- og hæfniskröfur
Háskólapróf sem nýtist í starfi.
Reynsla af samskiptamálum og vefumsjón, blaða- eða fréttamennsku.
Mjög góð íslensku- og enskukunnátta og hæfni til tjáningar í ræðu og riti.
Áhugi á starfsemi þjóðkirkjunnar.
Jákvætt lífsviðhorf og framúrskarandi samskiptahæfileikar.
Frumkvæði og metnaður til að ná árangri í starfi.
Þekking og áhugi á samskiptamiðlum.

Umsóknarfrestur er til og með 24. júní n.k.

Biskupsstofa er starfrækt af biskupi Íslands í því skyni að rækja þjónustuskyldur biskupsembættisins og eftirlitshlutverk. Hlutverk Biskupsstofu í því sambandi er umfram allt að hvetja og styðja, söfnuði, presta og aðrar stofnanir kirkjunnar til að sækja fram í starfi og þjónustu. Biskupsstofa sinnir m.a. í því skyni fræðslumálum, málefnum er varða kærleiksþjónustu, guðfræði og þjóðmál, kirkjutónlist og helgihald, upplýsingamál og samkirkjutengsl.

Laun eru samkvæmt kjarasamningi fjármálaráðherra við viðkomandi stéttarfélag. Athygli er vakin á því að umsóknir geta gilt í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.

Sækja skal um starfið inn á vef Capacent www.capacent.is 

Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Nánari upplýsingar veita Auður Bjarnadóttir ([email protected]) og Þóra Pétursdóttir ([email protected]) hjá Capacent ráðningum.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira