Hoppa yfir valmynd
Kennsla og rannsóknirHöfuðborgarsvæðið201906/1239Háskóli Íslands

Dósent í sniðlækningum bólgusjúkdóma

Dósent í sniðlækningum bólgusjúkdóma við Læknadeild Háskóla Íslands

Laust er til umsóknar 50% starf dósents í sniðlækningum (precision medicine) bólgusjúkdóma við Læknadeild Háskóla Íslands.

Helstu verkefni og ábyrgð
Gert er ráð fyrir að viðkomandi muni stunda rannsóknir í sinni sérgrein með megináherslu á sniðlækningar bólgusjúkdóma.

Hæfnikröfur
>> Doktorspróf eða próf sem jafnað verður til doktorsprófs, eða jafngild hæfni að mati dómnefndar
>> Sérfræðileyfi í læknisfræði hér á landi
>> Öflug rannsóknavirkni á sviði bólgusjúkdóma, sjálfstæði og frumkvæði í rannsóknum
>> Umtalsverð reynsla af háskólakennslu, fræðilegri og klíniskri, og ferill sem ber vott um hæfni í leiðbeiningu í rannsóknartengdu námi til æðri háskólagráðu 
>> Stjórnunarreynsla 
>> Reynsla af öflun stórra styrkja til rannsóknarstarfa 
>> Framúrskarandi samstarfshæfni og lipurð í mannlegum samskiptum

Við ráðningu verður miðað við að sá er starfið hlýtur falli sem best að aðstæðum og þörfum Læknadeildar.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Viðkomandi þarf að geta hafið störf sem fyrst eftir að lokið er störfum þeirra nefnda sem um ráðninguna munu fjalla eða samkvæmt nánara samkomulagi.

Umsækjendur skulu láta fylgja með umsókn sinni vottorð um námsferil sinn, lýsingu á reynslu af leiðbeiningu í rannsóknartengdu námi, ritaskrá, skýrslu um vísindastörf og önnur störf sem þeir hafa unnið og einnig rannsóknaráætlun ef til ráðningar kemur. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í þríriti til vísindasviðs Háskóla Íslands, Sæmundargötu 2, 101 Reykjavík. Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans (sjá: http://www.jafnretti.hi.is/).

Vakin er athygli á málstefnu Háskóla Íslands (sjá: https://www.hi.is/haskolinn/malstefna_haskola_islands). 

Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.

Heilbrigðisvísindasvið Háskóla Íslands er í fararbroddi á sviði heilbrigðismála á Íslandi og gegnir lykilhlutverki í uppbyggingu íslenska heilbrigðiskerfisins með menntun heilbrigðisstarfsmanna. Helstu sérfræðingar þjóðarinnar í heilbrigðisvísindum koma að kennslu og rannsóknum á sviðinu.

Starfshlutfall er 50%
Umsóknarfrestur er til og með 12.08.2019

Nánari upplýsingar veitir
Engilbert Sigurðsson - [email protected] - 525 4879


Háskóli Íslands
Læknadeild
v/Vatnsmýrarveg
101 Reykjavík


Smelltu hér til að sækja um starfið

 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira