Hoppa yfir valmynd
Kennsla og rannsóknirHöfuðborgarsvæðið201907/1321Háskóli Íslands

Lektor í klínískri lyfjafræði

Lektor í klínískri lyfjafræði

Laust er til umsóknar 50% starf lektors í klínískri lyfjafræði við Lyfjafræðideild Háskóla Íslands.

Helstu verkefni og ábyrgð
Sem lektor mun sá sem ráðinn verður uppfylla sína kennsluskyldu innan fræðigreinarinnar og stunda rannsóknir í sinni sérgrein. Þá mun viðkomandi einnig hafa umsjón með námsleið um sérnám í klínískri lyfjafræði í samstarfi við Landspítala, og leiða framþróun og menntun í klínískri lyfjafræði á Íslandi á komandi árum.

Hæfnikröfur
>>Umsækjendur skulu hafa lokið doktorsprófi með áherslu á klíníska lyfjafræði, eða hafa þekkingu og reynslu í samræmi við alþjóðleg viðmið fyrir starfsheiti lektors í klínískri lyfjafræði.
>>Rannsóknavirkni á fræðasviðinu, sjálfstæði og frumkvæði í rannsóknum. 
>>Reynsla af háskólakennslu og leiðbeiningu meistaranema.
>>Kostur ef viðkomandi hefur stundað rannsóknir erlendis og/eða er í erlendu samstarfi.
>>Stjórnunarreynsla nauðsynleg og reynsla af umsjón og uppbyggingu námsleiðar er kostur.
>>Gott vald á íslensku og ensku.
>>Hæfni í mannlegum samskiptum, áreiðanleiki, frumkvæði og sjálfstæði í vinnubrögðum, ásamt góðri færni í að miðla eigin þekkingu.

Við ráðningu verður miðað við, að sá er starfið hlýtur falli sem best að aðstæðum og þörfum Lyfjafræðideildar, m.a. í tengslum við klínískt sérnám á Landspítala. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Umsækjendur skulu láta fylgja með umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og rannsóknaráætlun ef til ráðningar kemur. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. Ef ekki er unnt að skila fylgigögnum með umsókn á rafrænu formi skal skila þeim í þríriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Starfshlutfall er 50%
Umsóknarfrestur er til og með 12.08.2019

Nánari upplýsingar veitir
Elín Soffía Ólafsdóttir - [email protected] - 525 4000


Háskóli Íslands
Lyfjafræðideild kennsla/rekstur
v/Vatnsmýrarveg
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira