Hoppa yfir valmynd
SérfræðistörfHöfuðborgarsvæðið201907/1345Forsætisráðuneytið

Lögfræðingur á sviði upplýsingaréttar

Forsætisráðuneytið auglýsir laust til umsóknar starf lögfræðings á skrifstofu löggjafarmála í ráðuneytinu til að gegna störfum ritara úrskurðarnefndar um upplýsingamál. 

Helstu verkefni og ábyrgð
Ritaraþjónusta úrskurðarnefndar um upplýsingamál.
Samning draga að úrskurðum í kærumálum.
Umsjón með málaskrá nefndarinnar, störfum nema og verktaka fyrir nefndina.
Samskipti við málsaðila og opinbera aðila sem í hlut eiga.
Stefnumótun á sviði upplýsingaréttar og stuðningur við stefnumótun á sviði stjórnsýsluréttar.
Gerð árlegrar skýrslu um framkvæmd upplýsingalaga.
Stuðningur við aukna birtingu upplýsinga að frumkvæði stjórnvalda.
Önnur verkefni á málefnasviðum skrifstofunnar samkvæmt ákvörðun skrifstofustjóra hverju sinni.

Hæfnikröfur
Fullnaðarpróf í lögfræði með embættis- eða meistaraprófi.
Mjög góð kunnátta í stjórnsýslurétti og upplýsingarétti.
Þekking og starfsreynsla á sviði opinberrar stjórnsýslu.
Sveigjanleiki, samstarfshæfni, skipulagshæfni og sjálfstæð vinnubrögð.
Framúrskarandi vald á íslensku og færni til að tjá sig í ræðu og riti.
Góð kunnátta í ensku og færni til að tjá sig í ræðu og riti.
Góð kunnátta í a.m.k. einu Norðurlandamáli er æskileg.
Reynsla af ritun úrskurða í kærumálum er æskileg.

Starfið heyrir undir skrifstofu löggjafarmála sem meðal annars hefur með höndum gæðaeftirlit með stjórnarfrumvörpum og þingsályktunartillögum ríkisstjórnar, ábyrgð á undirbúningi og eftirfylgni með þingmálaskrá ríkisstjórnar, umsjón með endurskoðun stjórnarskrár í samræmi við áherslur forsætisráðherra hverju sinni, ábyrgð á stefnumótun varðandi stjórnsýslulög og upplýsingalög, mótun siðareglna og eftirfylgni með þeim ásamt því að sinna lögfræðilegri ráðgjöf til forsætisráðherra og annarra skrifstofa ráðuneytisins. Jafnframt annast skrifstofan ritaraþjónustu fyrir úrskurðarnefnd um upplýsingamál.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.
Æskilegt er að umsækjandi geti hafið störf sem fyrst. Einstaklingar eru hvattir til að sækja um starfið óháð kyni.

Með umsókn skal fylgja ítarleg starfsferilskrá, og kynningarbréf þar sem gerð er grein fyrir ástæðum umsóknar og hvernig umsækjandi uppfyllir hæfniskröfur.

Öllum umsóknum verður svarað þegar ákvörðun um ráðningu liggur fyrir. Tekið skal fram að umsóknir geta gilt í sex mánuði frá því að umsóknarfrestur rennur út, sbr. reglur nr. 464/1996 um auglýsingar á lausum störfum með síðari breytingum.

Upplýsingar um starfið veitir Jakobína Hólmfríður Árnadóttir, sviðsstjóri Capacent, [email protected]
Starfshlutfall er 100%
Umsóknarfrestur er til og með 29.07.2019

Nánari upplýsingar veitir
Páll Þórhallsson - [email protected] - 5458400
Eydís Eyjólfsdóttir - [email protected] - 5458400

Forsætisráðuneyti, aðalskrifstofa
Skrifstofa löggjafarmála
Stjórnarráðshúsinu
150 Reykjavík

 

Sækja um starf



 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira