Hoppa yfir valmynd
StjórnunarstörfSuðurnes201907/1408Lögreglustjórinn á Suðurnesjum

Aðstoðaryfirlögregluþjónar

Við embætti lögreglustjórans á Suðurnesjum eru lausar til umsóknar þrjár stöður aðstoðaryfirlögregluþjóna. Um er að ræða stöður í almennri- flugstöðvar og rannsóknardeild. Sett verður í stöðurnar frá 1. janúar 2020 til reynslu í eitt ár með skipun í huga frá þeim tíma.

Lögreglustjóraembættið á Suðurnesjum er annað stærsta lögregluembætti landsins. Starfssvæðið er allt Reykjanesið. Verkefni embættisins eru afar fjölbreytt og krefjandi. Í umdæminu er stærsti alþjóðaflugvöllur landsins sem leiðir af sér að lögreglumenn á Suðurnesjum fást við margs konar krefjandi verkefni. Það reynir á margs konar hæfni og menn öðlast reynslu sem erfitt er að fá annars staðar innan lögreglunnar.

Hjá embættinu er nýlokið stefnumótunarvinnu til næstu 5 ára og meðal markmiða embættisins er að þetta verði eftirsóknarverðasta lögregluembætti landsins. 

Helstu verkefni og ábyrgð
- Hann er yfirlögregluþjóni til aðstoðar*
- Eftirlit með að reglum og fyrirmælum sé framfylgt og að fjárhagslegur rekstur deildarinnar sé innan fjárheimilda*
- Stjórn og ábyrgð á deild svo og tilteknum verkefnum sem honum eru falin og krefjast sérstakrar þekkingar, þjálfunar og/eða menntunar, þ.m.t. rannsókn mála og aðstoð við saksókn*
- Þátttaka í áætlanagerð, skipulagningu og markmiðssetningu embættisins
- Dagleg stjórn lögregluliðs í samráði við yfirlögregluþjóna
- Ábyrgð og ákvarðanataka gagnvart stjórnun og stefnu viðkomandi deildar í samráði við yfirlögregluþjón
- Úrvinnsla starfsmannamála í samráði við aðra stjórnendur og mannauðsdeild
- Samskipti og samstarf ásamt aðstoð við önnur lögregluembætti og hagsmunaaðila, innanlands sem og á alþjóðavísu

*Sjá 6. gr. reglugerðar um starfsstig innan lögreglunnar nr. 1051/2006.

Hæfnikröfur
Skilyrði
- Próf frá Lögregluskóla ríkisins og eða diplómanám í lögreglufræðum sem jafngildir a.m.k 120 stöðluðum námseiningum þ.m.t starfsnámi á vegum lögreglunnar
- Hafa starfað sem lögreglumaður í a.m.k 5 ár frá því að tilskyldu námi lauk
- Hafa lokið vettvangsstjóranámskeiði viðbragðsaðila
- Góð þekking á lögreglukerfinu LÖKE 
- Hafa eða uppfylla skilyrði fyrir öryggisvottunum: NATO Sectret og EU Secret /ISL Leyndarmál*

*Sjá reglugerð um vernd trúnaðarupplýsinga og fl. nr. 959/2012.

Mikilvægir kostir
- Lokið stjórnunarnámi frá Lögregluskóla ríkisins, Endurmenntun HÍ eða sambærilegu stjórnunarnámi á háskólastigi
- Starfs- og stjórnunarreynsla úr lögreglustarfinu og eða utan lögreglustarfs
- Önnur menntun og reynsla sem nýtist í starfi
- Reynsla af og þekking á alþjóðlegu samstarfi lögreglu
- Reynsla og þekking af aðgerðastjórn og viðbragðsáætlunum

Mikilvægir eiginleikar
- Leiðtogahæfni
- Færni í mannlegum samskiptum
- Góðir skipulagshæfileikar
- Frumkvæði 
- Nákvæm og traust vinnubrögð
- Sveigjanleiki og hæfni til að vinna undir álagi 
- Stundvísi og jákvæðni

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.
Starfið er dagvinna.

Eftirfarandi upplýsingum er beint til umsækjenda. Samkvæmt 28. gr. a lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsóknir sem berast eftir að umsóknarfresti líkur verða ekki teknar til greina.
Öllum umsóknum verður svarað þegar ákvörðun um setningu liggur fyrir.

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

Sækja skal um stöðuna með rafrænum hætti á vef Starfatorgs, www.starfatorg.is

Umsækjendur eru vinsamlegast beðnir um að vanda umsóknir sínar. Kynningarbréf og ferilskrá fylgi umsókn.

Starfshlutfall er 100%
Umsóknarfrestur er til og með 26.08.2019

Nánari upplýsingar veitir
Bjarney Sólveig Annelsdóttir - [email protected] - 4442200
Sigurgeir Ómar Sigmundsson - [email protected] - 4442200

Lögreglustjórinn á Suðurnesjum
Lögr. Almenn deild
Hringbraut 130
230 Keflavík

Sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira