Hoppa yfir valmynd
SérfræðistörfSuðurland201908/1446Sýslumaðurinn á Suðurlandi

Löglærður fulltrúi við sýslumannsembættið á Suðurlandi

Embætti sýslumanns á Suðurlandi er stjórnsýslu- og þjónustustofnun sem reist er á gömlum grunni og annast fjölþætt viðfangsefni framkvæmdavalds ríkisins í héraði. Áherslur vinnustaðarins byggja á góðri þjónustu, skilvirku verklagi og öflugri liðsheild.

LÖGLÆRÐUR FULLTRÚI SÝSLUMANNS
Starf löglærðs fulltrúa við sýslumannsembættið á Suðurlandi er laust til umsóknar. Starfsstöð er á skrifstofu embættisins á Hvolsvelli.

HELSTU VERKEFNI
Um er að ræða starf í þinglýsingadeild embættisins auk annarra tilfallandi verkefna sem fulltrúa kunna að vera falin. Í undirbúningi er innleiðing rafrænna þinglýsinga og mun þinglýsingafulltrúa gefast rík tækifæri til að taka þátt í nýsköpun og framþróun í málaflokknum.

Þinglýsingafulltrúi er daglegur stjórnandi starfsstöðvarinnar á Hvolsvelli. Um fullt starf er að ræða og er það laust frá 1. október n.k. Starfið heyrir undir sýslumann.

MENNTUNAR- OG HÆFNISKRÖFUR
Embættis- eða meistarapróf í lögfræði og önnur skilyrði b.-f. liðar 2.mgr. 3.gr. l. nr. 50/2014.
Þekking á verkefnum sýslumanna er áskilin, einkum þinglýsingum.
Góð þekking á eignarétti er kostur.
Frumkvæði, forystuhæfileikar, sjálfstæði og metnaður í starfi.
Hæfni í mannlegum samskiptum, jákvætt viðmót og samvinnufærni.
Stundvísi, nákvæmni og ögun í vinnubrögðum.
Góð tölvukunnátta.
Góð íslenskukunnátta í ræðu og riti.
Almenn ökuréttindi.

FREKARI UPPLÝSINGAR UM STARFIÐ
Umsókn um starfið þarf að fylgja ítarleg starfsferilsskrá, sakavottorð og kynningarbréf þar sem gerð er grein fyrir ástæðum umsóknar og rökstuðningi fyrir hæfni viðkomandi í starfið ásamt upplýsingum um meðmælendur, auk annarra atriða sem máli kunna að skipta.

Laun eru samkvæmt kjarasamningi fjármálaráðherra f.h. ríkissjóðs og Stéttarfélags lögfræðinga.

Umsóknir sendist á netfang sýslumanns [email protected], sem einnig veitir upplýsingar í síma 458-2800. Einnig má senda umsókn til Sýslumannsins á Suðurlandi, Hörðuvöllum 1, 800 Selfossi.

Umsóknarfrestur er til og með 26. ágúst 2019.

Karlar jafnt sem konur eru hvött til að sækja um starfið. Öllum umsóknum verður svarað þegar ákvörðun um ráðningu hefur verið tekin.

Athygli er vakin á því að umsóknir munu gilda í 6 mánuði frá því að umsóknarfrestur rennur út með vísan til 3. tl. 2. mgr. 2. gr. reglna nr. 464/1996 um auglýsingar á lausum störfum, með síðari breytingum, sbr. 2. mgr. 7. gr. laga nr. 70/1996 um réttindi og skyldur starfsmanna ríkisins.


Selfossi, 8. ágúst 2019
Sýslumaðurinn á Suðurlandi,
Kristín Þórðardóttir

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira