Hoppa yfir valmynd
SkrifstofustörfSuðurland201908/1445Sýslumaðurinn á Suðurlandi

Skrifstofumaður við embætti sýslumannsins á Suðurlandi

Embætti sýslumanns á Suðurlandi er stjórnsýslu- og þjónustustofnun sem reist er á gömlum grunni og annast fjölþætt viðfangsefni framkvæmdavalds ríkisins í héraði. Áherslur vinnustaðarins byggja á góðri og faglegri þjónustu, skilvirku verklagi og öflugri liðsheild.

SKRIFSTOFUSTARF
Laus er til umsóknar starf skrifstofumanns við embætti sýslumannsins á Suðurlandi. Um er að ræða starf í þjónustuveri embættisins á Selfossi. Helstu verkefni í þjónustuveri eru afgreiðsla almennra erinda sem embættinu berast og upplýsingagjöf um stöðu mála. Í þjónustuveri er ennfremur tekið á móti umsóknum um ökuskírteini og vegabréf, skjöl afhent til þinglýsingar, auk þess sem starfsmaður í þjónustuveri annast gjaldkerastörf og önnur tilfallandi störf sem honum kunna að vera falin. 

Um fullt starf er að ræða og er það laust frá 1. október n.k. Starfið heyrir undir þjónustustjóra. 

HÆFNISKRÖFUR
Hæfni á 2. þrepi skv. íslenska hæfnirammanum.
Þekking á starfsemi embætta sýslumanna er æskileg.
Reynsla af símsvörun og þjónustustörfum er æskileg.
Jákvæðni, þjónustulund og lipurð í mannlegum samskiptum.
Stundvísi, áreiðanleiki og álagsþol.
Frumkvæði, nákvæmni og traust vinnubrögð.
Góð almenn tölvukunnátta.
Góð almenn íslenskukunnátta í ræðu og riti.

FREKARI UPPLÝSINGAR UM STARFIÐ
Þjónustuver embættisins tók til starfa í upphafi árs 2018 og er í sífelldri þróun. Starfsmaður í þjónustuveri ber ábyrgð á að þjónusta viðskiptavini í framlínu, svara fyrirspurnum, greina erindi og leysa farsællega úr verkefnum. Starfsmaður ber ábyrgð á að sinna af kostgæfni þeim verkefnum sem honum eru falin á hverjum tíma og eru í samræmi við starfslýsingu, hlutverk og markmið sýslumannsembættisins. 

Umsókn um starfið þarf að fylgja starfsferilsskrá ásamt upplýsingum um meðmælendur, sakavottorð auk annarra atriða sem máli kunna að skipta.

Laun eru samkvæmt kjarasamningi fjármálaráðherra f.h. ríkissjóðs og SFR. 
Umsóknir sendist á netfang sýslumanns; [email protected] sem einnig veitir upplýsingar í síma 458-2800. Einnig má senda umsókn á póstfang embættisins, Hörðuvelli 1, 800 Selfossi.

Umsóknarfrestur er til og með 26. ágúst n.k.

Karlar jafnt sem konur eru hvött til að sækja um starfið. Öllum umsóknum verður svarað þegar ákvörðun um ráðningu hefur verið tekin.

Athygli er vakin á því að umsóknir munu gilda í 6 mánuði frá því að umsóknarfrestur rennur út með vísan til 3. tl. 2. mgr. 2. gr. reglna nr. 464/1996 um auglýsingar á lausum störfum, með síðari breytingum, sbr. 2. mgr. 7. gr. laga nr. 70/1996 um réttindi og skyldur starfsmanna ríkisins.


Selfossi, 8. ágúst 2019
Sýslumaðurinn á Suðurlandi,
Kristín Þórðardóttir

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira