Hoppa yfir valmynd
SérfræðistörfHöfuðborgarsvæðið201908/1430Landspítali

Sérfræðingur á sviði lífeindafræði

Ertu hugmyndaríkur, framsækinn og tilbúinn að taka þátt í að þróa nýtt og krefjandi starf sérfræðings í öflugu teymi okkar á rannsóknakjarna Landspítala. Þar fara fram greiningar, rannsóknir, ráðgjöf og kennsla heilbrigðisstétta í klínískri lífefnafræði og blóðmeinafræði. Á deildinni starfa á annað hundrað manns og leggjum við ríka áherslu á jákvæðni, fagmennsku og virðingu gagnvart vinnustaðnum og samstarfsfólki. 

Við viljum ráða einstakling sem býr yfir mikilli þekkingu og reynslu á sviði lífeindafræði, er lausnamiðaður, hvetjandi og brennur af áhuga fyrir eflingu einstaklinga, gæðastarfi, teymisvinnu og jákvæðum úrlausnum mála. Þekking á vísindastarfsemi og kennslu á sviði lífeindafræði er kostur.

Helstu verkefni og ábyrgð
» Er leiðtogi í þverfaglegri samvinnu 
» Hefur umsjón með hæfnismati starfsmanna 
» Vinnur að gæðamati, aðferðalýsingum og verklagsreglum
» Þróar, framkvæmir og metur nýjungar í rannsóknum ásamt stjórnendum deildar
» Skipuleggur og tekur þátt í kennslu eftir atvikum 
» Skipuleggur og hefur umsjón með dvöl nema á deild
» Metur fræðsluþarfir starfsmanna, fræðir og metur árangurinn 
» Hvetur og aðstoðar starfsmenn við að efla faglega færni og þroska 
» Skipuleggur og tekur þátt í aðlögun nýliða 
» Kynnir og veitir fræðslu um starfsemi deildar út á við

Hæfnikröfur
» Íslenskt starfsleyfi sem lífeindafræðingur
» Íslenskt sérfræðileyfi sem lífeindafræðingur
» Nákvæm og sjálfstæð vinnubrögð
» Góð samskiptahæfni og fagleg framkoma
» Hæfni og geta til að starfa í teymi
» Faglegur metnaður og sjálfstæði í starfi
» Frumkvæði, yfirsýn og skipulagsfærni
» Þekking á vísindastarfsemi og kennslu á sviði lífeindafræði er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag lífeindafræðinga hafa gert.
Tekið er mið af jafnréttisstefnu LSH við ráðningar á spítalanum. 

Starfshlutfall er 100% og er starfið laust frá 1. október 2019 eða eftir samkomulagi. Um er að ræða dagvinnu á starfsstöðvum deildarinnar í Fossvogi og við Hringbraut. 

Umsókn fylgi náms- og starfsferilskrá ásamt afriti af prófskírteinum og starfsleyfum. Umsókn fylgi einnig kynningarbréf þar sem umsækjandi kynnir ástæðu umsóknarinnar og sýn sína á starfið. 

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%
Umsóknarfrestur er til og með 10.09.2019

Nánari upplýsingar veitir
Gyða Hrönn Einarsdóttir - [email protected] - 824 4626

Landspítali
Rannsóknakjarni
Hringbraut
101 Reykjavík

Sækja um starf

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira