Hoppa yfir valmynd
Kennsla og rannsóknirHöfuðborgarsvæðið201908/1496Háskóli Íslands

Lektor í íþrótta- og heilsufræði

Lektor í íþrótta- og heilsufræði við Deild heilsueflingar, íþrótta- og tómstunda, Menntavísindasviði Háskóla Íslands 

Laust er til umsóknar fullt starf lektors í íþrótta- og heilsufræði við Deild heilsueflingar, íþrótta- og tómstundafræði við Háskóla Íslands. 

Helstu verkefni og ábyrgð
Starfsskyldur lektorsins munu felast í kennslu námskeiða í grunn- og framhaldsnámi á tilgreindum fræðasviðum. Lektorinn mun jafnframt taka þátt í stjórnun og þróun náms og kennslu í samvinnu við aðra starfsmenn námsbrautar og deildar. Vænst er þátttöku í uppbyggingu og framþróun á sterku og ört vaxandi náms- og rannsóknarumhverfi. Rannsóknir eru 40% af starfi lektorsins. 

Hæfnikröfur
Umsækjendur skulu hafa lokið doktorsprófi með áherslu á íþrótta- og heilsufræði. Krafist er þekkingar á líffæra- og lífeðlisfræði, lífaflfræði, starfrænni líffærafræði, þjálffræði og skyldum greinum. Umsækjendur skulu hafa áhuga á og reynslu af kennslu á háskólastigi og æskilegt er að þeir hafi einnig starfsreynslu af öðrum skólastigum. Æskilegt er að umsækjendur búi yfir þekkingu á fræðilegri og hagnýtri kennslufræði íþrótta og heilsufræða. 

Krafist er góðrar samstarfshæfni og lipurðar í mannlegum samskiptum. Við ráðningu verður miðað við að sá er starfið hlýtur falli sem best að aðstæðum og þörfum Menntavísindasviðs. Námsbraut í íþrótta- og heilsufræði tilheyrir Deild heilsueflingar, íþrótta- og tómstundafræði. Nú starfa átta háskólakennarar í fullu starfi eða hlutastarfi við námsbrautina og sinna rannsóknum á ýmsum sviðum íþrótta- og heilsufræði. Námsbrautin hefur yfir að ráða rannsóknastofu fyrir verklega kennslu og rannsóknaverkefni. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Ráðið verður í starfið til tveggja ára með möguleika á framlengingu. Að loknum fimm árum í starfi, ef til framlengingar kemur, er möguleiki á ótímabundinni ráðningu, sbr. 3. mgr. 31. gr. reglna fyrir Háskóla Íslands nr. 569/2009. Miðað er við að viðkomandi hefji störf sem fyrst.

Umsækjendur skulu láta fylgja umsókn sinni vottorð um námsferil sinn og störf, ritaskrá, skýrslu um vísindastörf og önnur störf sem þeir hafa unnið og greinargerð um áform og framtíðarsýn ef til ráðningar kemur. Umsækjandi skal tilgreina veigamestu ritverk sín, allt að átta talsins, með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skal fylgja greinargerð höfunda fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á. 

Umsókn og umsóknargögnum, sem ekki er skilað rafrænt, skal skila í tvíriti til Vísinda- og nýsköpunarsviðs Háskóla Íslands, Sæmundargötu 6, 101 Reykjavík. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um Háskóla Íslands nr. 569/2009.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang. 

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. 

Starfshlutfall er 100%
Umsóknarfrestur er til og með 23.09.2019

Nánari upplýsingar veitir
Ársæll Már Arnarsson - [email protected] - 525 5924
Lára Rún Sigurvinsdóttir - [email protected] - 525 5905


Háskóli Íslands
Menntavísindasvið-Kennarar
Stakkahlíð
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira