Hoppa yfir valmynd
HeilbrigðisþjónustaHöfuðborgarsvæðið201909/1562Heilsugæsla höfuðborgarsvæðisins

Heimilislæknir Heilsugæslan Miðbæ

Heimilislæknir Heilsugæslan Miðbæ

Laust er til umsóknar 100% starf heimilislæknis við Heilsugæsluna Miðbæ. Æskilegt er að viðkomandi geti hafið störf 1.nóvember eða eftir nánara samkomulagi.
Heilsugæslan Miðbæ sinnir fyrst og fremst íbúum í 101 Reykjavík en á stöðina leita einnig fjölmargir með tímabundna búsetu í hverfinu og nokkur fjölda ferðamanna. Skráðir skjólstæðingar stöðvarinnar eru um 12.000. Góður starfsandi er á stöðinni og lögð er áhersla á góða samvinnu allra starfsstétta. 

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

Helstu verkefni og ábyrgð
- Almennar lækningar
- Heilsuvernd
- Vaktþjónusta
- Þjálfun unglækna
- Kennsla læknanema
- Þverfagleg teymisvinna
- Þátttaka í þróun starfseminnar og gæðastarfi

Hæfnikröfur
- Íslenskt lækningaleyfi 
- Starfsreynsla í heilsugæslu æskileg
- Faglegur metnaður og sjálfstæði í starfi 
- Frumkvæði og öguð vinnubrögð
- Góð hæfni í mannlegum samskiptum
- Góð íslenskukunnátta skilyrði 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Umsókn skal fylgja ítarleg náms- og starfsferilskrá ásamt gögnum sem staðfesta menntun, fyrri störf, vísinda- og kennslustörf. Einnig er óskað eftir kynningarbréfi á umsækjanda og ástæðu umsóknar. Þau gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað þegar ákvörðun um ráðningu liggur fyrir. Umsókn getur gilt í allt að 6 mánuði.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. 

Starfshlutfall er 100%
Umsóknarfrestur er til og með 23.09.2019

Nánari upplýsingar veitir
Hörður Björnsson - [email protected] - 513-5950


Heilsugæsla höfuðborgarsvæðisins
Miðbæ lækningar
Vesturgötu 7
107 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira