Hoppa yfir valmynd
SérfræðistörfHöfuðborgarsvæðið201909/1563Háskóli Íslands

Bókasafns- og upplýsingafræðingur - Menntavísindasvið

Bókasafns- og upplýsingafræðingur, Menntavísindasvið, Háskóli Íslands 

Á bókasafni Menntavísindasviðs Háskóla Íslands er laust til umsóknar fullt starf bókasafns- og upplýsingafræðings. Bókasafn Menntavísindasviðs er sérhæft bókasafn á sviði menntavísinda og þeirra faggreina sem kenndar eru á sviðinu. Eitt helsta markmið safnsins er að veita nemendum og starfsfólki góða þjónustu og aðgang að upplýsingum vegna náms, kennslu og rannsókna. Grunngildi safnsins eru þekkingarmiðlun, fagmennska, frumkvæði og samvinna. 

Helstu verkefni og ábyrgð
Starfið er fjölbreytt og áhugavert. Það felur í sér umsjón með skjalamálum Menntavísindasviðs. Einnig skráningu og efnisgreiningu í Gegni og Skemmuna, varðveislusafn lokaverkefna, og yfirumsjón með útlánaþjónustu. Enn fremur upplýsingaþjónustu, aðstoð við heimildaleitir og einstaklingsráðgjöf fyrir nemendur og starfsfólk. 

Hæfnikröfur

  • Háskólamenntun í bóksafns- og upplýsingafræði.
  • Skráningarheimild frá skráningarráði Gegnis er æskileg.
  • Góð íslenskukunnátta.
  • Góð tölvukunnátta. 
  • Áhugi á að fylgjast með tækninýjungum og hæfni til að tileinka sér þær.
  • Metnaður og vilji til að veita góða og faglega þjónustu.
  • Frumkvæði og sjálfstæði í vinnubrögðum.
  • Skipulagshæfni og lipurð í mannlegum samskiptum.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsóknir geta gilt í sex mánuði frá lokum umsóknafrests. Æskilegt er að viðkomandi geti hafið störf sem fyrst. 

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig
geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá: https://www.hi.is/haskolinn/malstefna_haskola_islands.

Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Háskóli Íslands er í hópi 250 bestu háskóla heims samkvæmt matslista Times Higher Education.

Starfshlutfall er 100%
Umsóknarfrestur er til og með 23.09.2019

Nánari upplýsingar veitir
Gunnhildur Kristín Björnsdóttir - [email protected] - 525 5927


Háskóli Íslands
Bókasafn menntavísindasviðs
Stakkahlíð
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira