Hoppa yfir valmynd
Kennsla og rannsóknirVesturland/Höfuðborgarsvæðið201909/1581Landbúnaðarháskóli Íslands

Lektor í landslagsarkitektúr, skipulagsfræði eða skyldum greinum

 
Lektor í landslagsarkitektúr, skipulagsfræði eða skyldum greinum við Landbúnaðarháskóla Íslands (LbhÍ)

Laust er til umsóknar 100% starf lektors í landslagsarkitektúr, skipulagsfræði eða skyldum greinum við Landbúnaðarháskóla Íslands. Viðfangsefni skólans er náttúra Íslands - nýting, viðhald og verndun.

Starfsskyldur:
Rannsóknir, kennsla og stjórnun:
Byggja upp rannsóknir, afla rannsóknastyrkja og taka þátt í alþjóðlegu og innlendu rannsóknasamstarfi.  
Kennsla á grunn- og framhaldsstigi og leiðbeining nemenda í rannsóknaverkefnum; lektor hefur tækifæri til að þróa eigin námskeið.
Taka virkan þátt í störfum deildar eftir því sem þörf krefur. 

Menntunar- og hæfniskröfur:
Doktorsgráða í landslagsarkitektúr, skipulagsfræði, arkitektúr, borgarhönnun eða skyldum greinum 
Haldgóð starfsreynsla á viðkomandi fræðasviði
Reynsla af rannsóknum og birtingumrannsóknaniðurstaðna skýr framtíðarsýn varðandi rannsóknir 
Reynsla af kennslu og vilji til fjölbreyttrar þekkingarmiðlunar
Reynsla af öflun rannsóknastyrkja 
Samstarfshæfni og lipurð í samskiptum
Íslenskukunnátta er æskileg

Gert er ráð fyrir að umsækjandi hefji störf á árinu 2020. Athygli er vakin á því að samkvæmt reglum LbhÍ er rektor heimilt að veita framgang í starf dósents eða prófessors strax við nýráðningu ef umsækjandi uppfyllir viðkomandi hæfnisviðmið.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um nýráðningar og framgang akademískra starfsmanna við Landbúnaðarháskóla Íslands frá 20. september 2012.

Meginstarfsstöðvar LbhÍ eru þrjár: að Hvanneyri í Borgarfirði, Keldnaholti í Reykjavík og Reykjum í Ölfusi. Kennsla sú sem fellur undir umrætt starf fer fram að Hvanneyri og/eða Keldnaholti.

Launakjör eru samkvæmt kjarasamningum opinberra starfsmanna. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996.

Fyrir frekari upplýsingar, vinsamlegast hafið samband við Kristínu Pétursdóttur, brautarstjóra umhverfisskipulags í síma +433 5000 eða með tölvupósti ([email protected])

Umsóknarfrestur er til 20. október 2019. Umsóknir sendist til Landbúnaðarháskóla Íslands á netfangið [email protected]
Umsókn skal fylgja greinagott yfirlit yfir námsferil og störf, ritaskrá, verkefnayfirlit, sem og skýrsla um vísindastörf eða önnur sambærileg störf.  Þá skulu fylgja staðfestingar á pófgráðum og kynningarbréf þar sem m.a. koma fram upplýsingar um samskiptahæfni umsækjanda, rannsóknaráherslur og hugmyndir um kennsluaðferðir/þróun þekkingarmiðlunar á sviðinu. 

Landbúnaðarháskóli Íslands áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu liggur fyrir.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira