Hoppa yfir valmynd
SérfræðistörfNorðurland201909/1585Háskólinn á Akureyri

Verkefnastjóri

 
Verkefnastjóri við Háskólann á Akureyri

Háskólinn á Akureyri auglýsir laust til umsóknar starf verkefnastjóra Símenntunar HA og Kennslumiðstöðvar HA. Símenntun HA sér um að brúa bilið milli hefðbundinnar háskólamenntunar og símenntunar, með því að bjóða uppá einstök námskeið og lengri námsleiðir. Kennslumiðstöð HA sér um að veita kennurum faglega aðstoð við þróun kennsluhátta og námsmats í sveigjanlegu námi.  Auk þess stuðlar Kennslumiðstöð að aukinni notkun tölvu- og upplýsingatækni í kennslu og starfi við háskólann. 

Verkefnastjóri aðstoðar við umsýslu og framkvæmd verkefna innan Símenntunar HA, svo sem skráningu í og utanumhald námskeiða. Viðkomandi kemur einnig að skipulagningu námskeiða og þróun nýrra verkefna á vegum Símenntunar. Innan Kennslumiðstöðvar aðstoðar hann og tekur þátt í umsýslu og framkvæmd prófahalds við Háskólann á Akureyri. Einnig kemur hann að undirbúningi og skipulagi námskeiða hjá Kennslumiðstöð og útbýr leiðbeiningar fyrir starfsmenn og nemendur í tengslum við námsmat og prófahald. Verkefnastjóri er sameiginlegur starfsmaður Símenntunar og Kennslumiðstöðvar HA og tekur þátt í starfi beggja eininga. Um er að ræða fullt starf og er æskilegt að viðkomandi geti hafið störf sem fyrst. Næstu yfirmenn eru forstöðumenn Kennslumiðstöðvar og Símenntunar HA. Starfsstöðin er á háskólasvæðinu á Sólborg á Akureyri.

Menntunar- og hæfniskröfur:
Gerð er krafa um háskólamenntun sem nýtist í starfi.
Kennslureynsla sem nýtist í starfi æskileg.
Gott vald á íslensku og ensku, jafnt töluðu sem rituðu máli.
Skipulögð og vönduð vinnubrögð, frjó hugsun, rík þjónustulund, jákvæðni og lipurð í mannlegum samskiptum.
Mjög góð tölvu- og tækniþekking.

Umsókn skal fylgja:
Ítarleg ferilskrá.
Staðfest afrit af prófskírteinum.
Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
Tilnefna skal a.m.k. tvo meðmælendur og er æskilegt að einn þeirra sé næsti yfirmaður í núverandi eða fyrra starfi umsækjanda.

Umsóknarfrestur er til og með 30. september 2019. Umsóknir og fylgigögn skal senda rafrænt á skrifstofu rektors Háskólans á Akureyri á netfangið [email protected]. Ekki er notað staðlað umsóknareyðublað. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Háskólinn á Akureyri áskilur sér rétt til að hafna öllum umsóknum. Nafnalisti yfir umsækjendur, ásamt starfsheiti, getur verið birtur eftir að umsóknarfresti lýkur, sbr. 7. gr. upplýsingalaga nr. 140/2019.

Um launakjör fer samkvæmt kjarasamningi Félags háskólakennara á Akureyri og fjármálaráðherra.

Nánari upplýsingar veitir Elín Margrét Hallgrímsdóttir forstöðumaður Símenntunar Háskólans á Akureyri, sími 460-8091, netfang [email protected] og Auðbjörg Björnsdóttir, forstöðumaður Kennslumiðstöðvar Háskólans á Akureyri, sími 460-8030, netfang [email protected] 

Háskólinn á Akureyri stuðlar að jafnrétti kynjanna og hvetur konur jafnt sem karla til að sækja um laus störf.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira