Hoppa yfir valmynd
SérfræðistörfHöfuðborgarsvæðið201909/1613Háskóli Íslands

Innviðastjóri, Verkfræði- og náttúruvísindasvið

Innviðastjóri, Verkfræði- og náttúruvísindasvið Háskóla íslands

Verkfræði- og náttúruvísindasvið Háskóla Íslands leitar að innviðastjóra í fullt starf. Við leitum að einstaklingi með þekkingu og frumkvæði í hóp úrvals starfsfólks sem hefur fagmennsku, góð samskipti og stöðugar umbætur að leiðarljósi.

Innviðastjóri ber ábyrgð á málefnum er varða rekstur á aðstöðu og tæknibúnaði til rannsókna í lífvísindum, raunvísindum og verkfræði, umsjón með tæknifólki, gæða og öryggismál rannsókna og nýtingu húsnæðis. Innviðastjóri heyrir undir sviðsforseta og er hluti af hópstjórateymi sviðsins. Hlutverk innviðastjóra og tæknifólks á sviðinu er að er að efla öryggisvitund, gæðamenningu, og skilvirkni í rekstri rannsóknarýma og tækjabúnaði í samstarfi við starfsfólk sviðsins. Við Verkfræði- og náttúruvísindasvið starfar afburða vísindafólk sem hefur hlotið alþjóða viðurkenningu fyrir störf sín.

Helstu verkefni og ábyrgð
>>Umsjón með rekstri rannsóknarýma og tækja sviðsins
>>Ábyrgð á umgjörð og framkvæmd öryggismála 
>>Skipulag húsnæðismála sviðsins og starfsaðstöðu
>>Eftirfylgni með gæðakerfi og innleiðing gæðamenningar
>>Umbótastarf og eftirfylgni með stefnumótun 
>>Umsjón með tæknifólki og tækjavörðum sviðsins
>>Samstarf við miðlæga stjórnsýslu og samstarfshópa 

Hæfnikröfur
>>Framhaldsmenntun á háskólastigi sem nýtist í starfi 
>>Tækniþekking væri ákjósanlegur kostur
>>Þekking á öryggis- og gæðamálum æskileg
>>Reynsla af mannaforráðum er æskileg
>>Leiðtogafærni og samskiptafærni
>>Jákvætt viðmót og lipurð í mannlegum samskiptum
>>Frumkvæði í starfi og árangursmiðuð nálgun verkefna

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að viðkomandi geti hafið störf sem fyrst, eða eftir nánara samkomulagi.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Verkfræði- og náttúruvísindasviði starfa um 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2900 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem báðar heyra undir Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans.

Starfshlutfall er 100%
Umsóknarfrestur er til og með 30.09.2019

Nánari upplýsingar veitir
Jóhanna Ella Jónsdóttir - [email protected] - 525 4644


Háskóli Íslands
Verkfræði- og náttúruvísindasvið stjórnsýsla
Hjarðarhaga 2-6
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira