Hoppa yfir valmynd
SérfræðistörfHöfuðborgarsvæðið201909/1609Umhverfis- og auðlindaráðuneytið

Lögfræðingur

Lögfræðingur  hjá umhverfis- og auðlindaráðuneyti

Hjá umhverfis- og auðlindaráðuneytinu er laust til umsóknar starf lögfræðings á skrifstofu umhverfis og skipulags. Leitað er að lögfræðingi með góða samskiptahæfni sem er tilbúinn til að takast á við krefjandi og áhugaverð verkefni. Um er að ræða fjölbreytt starf í lifandi umhverfi. Staðan er tímabundin til 3ja ára og losnar frá og með næstu áramótum. 

Starfssvið
Vinna við afgreiðslu stjórnsýsluerinda, úrskurði og álitsgerðir. 
Samning lagafrumvarpa og reglugerða. 
Vinna við framkvæmd EES samningsins og innleiðingu EES gerða. 
Þátttaka í stefnumótun á málefnasviði skrifstofunnar. 
Samskipti við Alþingi, stjórnvöld, og hagsmunaaðila. 
Alþjóðleg samskipti. 

Menntunar- og hæfniskröfur
Embættis- eða meistarapróf í lögfræði.
Þekking og/eða reynsla af störfum innan stjórnsýslunnar er æskileg. 
Þekking í Evrópurétti og/eða reynsla af framkvæmd EES samningsins er kostur. 
Mjög gott vald á ritaðri og talaðri íslensku. 
Mjög góð kunnátta í ensku og góð kunnátta í einu Norðurlandamáli.

Ráðuneytið hvetur konur jafnt sem karla til að sækja um starfið.

Um launakjör fer samkvæmt kjarasamningi Félags háskólamenntaðra starfsmanna stjórnarráðsins og fjármálaráðherra.

Umsóknir gilda í 6 mánuði frá því að umsóknarfrestur rennur út. 

Umsóknarfrestur er til og með 30. september 2019 

Skrifstofa umhverfis og skipulags fer með skipulagsmál, mat á umhverfisáhrifum, mengunarmál, málefni er snúa að hringrásarhagkerfinu, efnamál, hollustuhætti og heilbrigðiseftirlit, erfðabreyttar lífverur, landupplýsingamál, ofanflóðamál og hættumat og viðbrögð við náttúruvá, upplýsinga- og þátttökurétt almennings og EES umsjón.

Umsækjendur eru beðnir að sækja um starfið á heimasíðu Capacent, www.capacent.is. Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Nánari upplýsingar veita Þóra Pétursdóttir ([email protected]) og Auður Bjarnadóttir ([email protected]).  


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira