Hoppa yfir valmynd
SérfræðistörfHöfuðborgarsvæðið201909/1615Lögreglustjórinn á höfuðborgarsvæðinu

Sérfræðingur í greiningum/rannsóknaraðstoð

Sérfræðingur í greiningum/rannsóknaraðstoð

Lögreglustjórinn á höfuðborgarsvæðinu auglýsir lausa stöðu í hóp starfsfólks í Stoðþjónustu og greiningu. Um er að ræða starf sem felur í sér fjölbreytt verkefni á sviði greiningar, rannsóknaraðstoðar og þjónustu sem krefjast frumkvæðis og sjálfstæðis í vinnubrögðum. 

Sviðið er ein af stoðdeildum lögreglunnar á höfuðborgarsvæðinu og sér um móttöku, vinnslu og greiningu gagna sem miðlað er innan og/eða utan embættisins ásamt öðrum verkefnum. Þar starfar fólk með fjölbreytta reynslu og þekkingu á svið innri og ytri þjónustu. Nánari upplýsingar um embættið má nálgast á heimasíðu lögreglunnar, www.logreglan.is.

Við ráðningar hjá LRH er tekið mið af jafnréttisáætlun embættisins. 

Helstu verkefni og ábyrgð
- Vinna að innskráningu upplýsinga í kerfi lögreglu, greiningu og miðlun þeirra, ásamt því að vinna að stefnumótun varðandi þetta ferli 
- Yfirferð og frágangur mála
- Vinna að öðrum verkefnum sem snúa að móttöku og miðlun upplýsinga, rannsóknarstuðningi og þróun þeirra verkefna
- Samskipti við aðrar deildir innan LRH og við starfsmenn annarra embætta vegna verkefna 

Hæfnikröfur
- Háskólamenntun á framhaldsstigi (MS/MA- gráða) er nauðsynleg
- Góð þekking á greiningum mikilvæg.
- Góð þekking á upplýsingakerfum lögreglu kostur.
- Góð þekking á starfsemi lögreglu kostur
- Góð þekking á MS Office (Word og Excel sérstaklega) nauðsynleg.
- Þekking á framsetningu gagna og miðlun þeirra nauðsynleg.

Reynsla af störfum á framangreindu verkefna- og ábyrgðarsviði er mikilvæg.

Aðrar hæfnikröfur:
- Mjög góð samskipta- og samstarfsfærni.
- Þjónustulipurð og jákvæðni.
- Sjálfstæði í vinnubrögðum, frumkvæði og skipulagshæfni.
- Gott vald á íslensku og ensku, talaðri og ritaðri.
- Góð almenn tölvukunnátta.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsóknir sem berast eftir að umsóknarfresti lýkur verða ekki teknar til greina. Öllum umsækjendum verður svarað þegar ákvörðun um ráðningu hefur verið tekin.

Vakin er athygli á að engan má skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr.90/1996

Starfshlutfall er 100%
Umsóknarfrestur er til og með 30.09.2019

Nánari upplýsingar veitir
Eygló Huld Jónsdóttir - [email protected] - 444-1000
Þórir Ingvarsson - [email protected] - 444-1000


Lögreglustjórinn á höfuðborgarsvæðinu


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira