Hoppa yfir valmynd
SérfræðistörfHöfuðborgarsvæðið201909/1614Lögreglustjórinn á höfuðborgarsvæðinu

Sérfræðingur í stoðþjónustu og greiningu

Sérfræðingur í stoðþjónustu og greiningu - Lögreglan á höfuðborgarsvæðinu

Lögreglustjórinn á höfuðborgarsvæðinu auglýsir lausa stöðu í hóp starfsfólks í Stoðþjónustu og greiningu. Um er að ræða fjölbreytt verkefni á sviði rafrænnar þjónustu og gagnagreiningar sem krefjast metnaðar, lausnamiðaðrar hugsunar, frumkvæðis og sjálfstæðis í vinnubrögðum. 

Sviðið er ein af stoðdeildum lögreglunnar á höfuðborgarsvæðinu og sér um móttöku, vinnslu og greiningu gagna sem miðlað er innan og/eða utan embættisins ásamt öðrum verkefnum. Þar starfar fólk með fjölbreytta reynslu og þekkingu á svið innri og ytri þjónustu. Nánari upplýsingar um embættið má nálgast á heimasíðu lögreglunnar, http://www.lrh.is.

Helstu verkefni og ábyrgð
- Uppbygging og innleiðing rafrænnar þjónustu hjá embættinu
- Uppsetning rafrænna eyðublaða
- Innskráning upplýsinga og greining þeirra
- Framsetning gagna með sjónrænum hætti
- Þátttaka í stefnumótum um móttöku, innskráningu, greiningu og miðlun upplýsinga
- Önnur verkefni sem snúa að móttöku og miðlun upplýsinga, sértækum greiningum og rannsóknarstuðningi
- Samskipti við aðrar deildir innan LRH og við starfsmenn annarra embætta vegna verkefna

Hæfnikröfur
- Háskólamenntun sem nýtist vel í starfi er forsenda
- Reynsla af umsjón rafrænna miðla er mikilvæg
- Góð þekking á miðlun upplýsinga er mikilvæg
- Þekking á framsetningu gagna er nauðsynleg

Reynsla af störfum á framangreindu verkefna- og ábyrgðarsviði er mikilvæg

Aðrar hæfnikröfur:
- Mjög góð samskipta- og samstarfsfærni
- Þjónustulipurð og jákvæðni
- Sjálfstæði í vinnubrögðum, frumkvæði og skipulagshæfni
- Gott vald á íslensku og ensku, talaðri og ritaðri
- Góð almenn tölvukunnátta

Þess er vænst að umsækjendur hafi reynslu af störfum þar sem reynt hefur á þessa eiginleika og færni.

Óskað er eftir að umsókn fylgi greinargóð ferilskrá yfir menntun og fyrri störf, staðfesting á námi og kynningarbréf þar sem umsækjandi gerir grein fyrir ástæðu umsóknarinnar og útskýrir atriði í ferilskrá betur, eftir því sem þörf á. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsóknir sem berast eftir að umsóknarfresti lýkur verða ekki teknar til greina. Öllum umsækjendum verður svarað þegar ákvörðun um ráðningu hefur verið tekin.
Vakin er athygli á að engan má skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr.90/1996

Starfshlutfall er 100%
Umsóknarfrestur er til og með 30.09.2019

Nánari upplýsingar veitir
Eygló Huld Jónsdóttir - [email protected] - 444-1000
Þórir Ingvarsson - [email protected] - 444-1000


Lögreglustjórinn á höfuðborgarsvæðinu


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira