Hoppa yfir valmynd
StjórnunarstörfNorðurland201909/1674Sjúkrahúsið á Akureyri

Forstöðulæknir myndgreiningalækninga

Forstöðulæknir myndgreiningalækninga

Laus er til umsóknar staða forstöðulæknis myndgreiningalækninga við Sjúkrahúsið á Akureyri (SAk).

Staðan veitist frá 1. desember n.k. eða eftir samkomulagi

Myndgreiningadeildin veitir fjölþætta þjónustu og nær þjónustusvæðið til Norður- og Austurlands. Deildin er mjög vel tækjum búin. Auk almennra röntgentækja eru á deildinni ný tölvusneiðmyndatæki (CT) og segulómtæki (MR) auk þess sem gerðar eru brjóstamyndatökur (hópskoðanir), beinþéttnimælingar og ómskoðanir á deildinni.

Næsti yfirmaður er framkvæmdastjóri bráða- og þróunarsviðs.

Helstu verkefni og ábyrgð
Forstöðulæknir veitir myndgreiningalækningum faglega forstöðu, ber rekstrarlega ábyrgð og starfsamannaábyrgð. Forstöðulæknir ber ábyrgð á kennsluhlutverki og tekur þátt í klínísku starfi, vaktaskylda fylgir starfinu.

Hæfnikröfur
Umsækjendur skulu hafa íslenskt lækningaleyfi ásamt íslenskum réttindum í myndgreiningalækningum. Auk faglegrar reynslu, fræðilegrar þekkingar og reynslu af stjórnun og kennslu er lögð áhersla á leiðtogahæfileika og hæfileika á sviði samskipta, samvinnu og sjálfstæðra vinnubragða.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Umsóknum skal skilað á umsóknareyðublaði sem fæst á vef sjúkrahússins www.sak.is

Umsóknum skulu fylgja ítarlegar upplýsingar um nám, fyrri störf, reynslu af stjórnunarstörfum ásamt upplýsingum um fræðilegar rannsóknir og ritstörf, auk kennslustarfa eftir því sem við á.

Stöðunefnd lækna, sbr. 35. gr. laga um heilbrigðisþjónustu nr. 40/2007, metur hæfni umsækjenda.

Viðtöl verða höfð við umsækjendur og byggist ákvörðun um ráðningu á þeim, innsendum gögnum og umsögn stöðunefnda.

Öllum umsóknum verður svarað þegar ákvörðun um ráðningu hefur verið tekin.

ATH. Fylla þarf út lágmarksupplýsingar á almenna umsókn og setja viðhengi, en ýtarlegri upplýsingar í umsókn fyrir læknisstöðu, sjá slóð hér fyrir neðan. 

Við ráðningar í störf er tekið mið af jafnréttisstefnu sjúkrahússins. Sjúkrahúsið á Akureyri er reyklaus vinnustaður.

Gildi Sjúkrahússins á Akureyri eru: ÖRYGGI SAMVINNA FRAMSÆKNI

Sjúkrahúsið hefur hlotið alþjóðlega gæðavottun á starfsemi sinni

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 01.11.2019

Nánari upplýsingar veitir
Hildigunnur Svavarsdóttir - [email protected] - 4630100


Sjúkrahúsið á Akureyri
Myndgreiningalækningar
Eyrarlandsvegi
600 Akureyri


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira