Hoppa yfir valmynd
Kennsla og rannsóknirHöfuðborgarsvæðið201909/1668Háskóli Íslands

Lektor í fjármunarétti

Lektor í fjármunarétti 

Lagadeild Háskóla Íslands auglýsir laust til umsóknar fullt starf lektors í fjármunarétti.

Helstu verkefni og ábyrgð
Lektornum er ætlað að sinna kennslu í grunn- og meistaranámi og rannsóknum á sviði íslensks fjármunaréttar. Nánari ákvörðun um kennslu- og rannsóknasvið lektorsins á því sviði verður tekin við ráðningu í starfið. Leitað er að einstaklingi sem hefur brennandi áhuga á að helga sig akademísku starfi og framþróun Lagadeildar.

Hæfnikröfur
>>Umsækjandi skal hafa lokið fullnaðarnámi í lögfræði með meistara- eða kandídatsprófi frá íslenskum háskóla eða sambærilegu prófi frá erlendum háskóla og hafa þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu staðfest með áliti dómnefndar eða með doktorsprófi frá viðurkenndum háskóla. 
>>Kennslureynsla á sviði fjármunaréttar
>>Virkni og hæfni í rannsóknum á sviði fjármunaréttar
>>Hæfni í mannlegum samskiptum, áreiðanleiki, frumkvæði og sjálfstæði í vinnubrögðum eru nauðsynleg ásamt góðri hæfni til að miðla þekkingu 
>>Reynsla af lögmannstörfum eða öðrum lögfræðistörfum á sviði fjármunaréttar er kostur

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Við ráðningu verður horft til þess að umsækjendur falli sem best að aðstæðum og þörfum Lagadeildar og Félagsvísindasviðs. 

Ráðið verður í starfið til fimm ára með möguleika á ótímabundinni ráðningu að þeim tíma liðnum, sbr. 3. mgr. 31. gr. reglna fyrir Háskóla Íslands nr. 569/2009. Miðað er við að ráðið verði í starfið frá 1. janúar 2020, þó ekki fyrr en lokið er störfum þeirra nefnda sem um ráðninguna fjalla. 

Umsækjendur skulu láta eftirfarandi gögn fylgja umsókn sinni. 
1. Kynningarbréf þar sem m.a. kemur fram hvernig umsækjandi uppfyllir hæfniskröfur
2. Vottorð um námsferil sinn
3. Akademíska ferilskrá (Curriculum Vitae)
4. Ritaskrá (auðkenna ber ritrýnt efni sérstaklega) 
5. Skýrslu um vísindastörf og önnur störf sem þeir hafa unnið
6. Greinargerð um rannsóknar- og kennsluáform ef til ráðningar kemur
7. Upplýsingar um þrjá mögulega umsagnaraðila sem hafa má samband við. 

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendur ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín eftir því sem við á. 

Umsókn og umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 6, 101 Reykjavík. 

Um meðferð umsókna, mat á hæfni umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna nr. 569/2009 fyrir Háskóla Íslands. Samkvæmt 38. gr. reglnanna er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði. 

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Lagadeild Háskóla Íslands er ein sex deilda Félagsvísindasviðs og hefur verið starfrækt frá stofnun skólans árið 1911. Markmið Lagadeildar er að brautskrá framúrskarandi lögfræðinga sem eigi ríkan þátt í að efla og styrkja íslenskt réttarkerfi í nútíð og framtíð. 

Á Félagsvísindasviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður víð íslenskt samfélag og alþjóðlega fræðasamfélagið. 

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum. 

Starfshlutfall er 100%
Umsóknarfrestur er til og með 28.10.2019

Nánari upplýsingar veitir
Aðalheiður Jóhannsdóttir - [email protected] - 525 4257


Háskóli Íslands
Lagadeild
v/Sæmundargötu
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira