Hoppa yfir valmynd
SérfræðistörfHöfuðborgarsvæðið201910/1692Embætti landlæknis

Sviðsstjóri eftirlits og gæða heilbrigðisþjónustu

Sviðsstjóri eftirlits og gæða heilbrigðisþjónustu

Embætti landlæknis óskar eftir að ráða sviðsstjóra eftirlits og gæða heilbrigðisþjónustu. Verkefni sviðsins eru margþætt. Þar má nefna eftirlit með heilbrigðisstofnunum og heilbrigðisstarfsmönnum, gæðaþróun heilbrigðisþjónustu, umsjón með veitingu starfsleyfa og sérfræðileyfa heilbrigðisstétta, umsjón með veitingu rekstrarleyfa í heilbrigðisþjónustu, eftirlit með lyfjaávísunum og lyfjanotkun, umsýsla kvartana almennings vegna heilbrigðisþjónustu og rannsókn alvarlegra atvika. Þá sinnir sviðið lögfræðilegum málefnum embættisins. Leitað er að einstaklingi sem hefur stjórnunarhæfileika og metnað til að þróa framsækið og heilsueflandi vinnuumhverfi. Starfið felur í sér fjölbreyttar áskoranir til að ná markmiðum embættisins.

Helstu verkefni og ábyrgð
Sviðsstjóri hefur yfirumsjón með starfsemi, stjórnun og rekstri sviðsins sem felur m.a. í sér:

# Verkstjórnun og yfirsýn sbr. ofangreind verkefni
# Úrvinnsla einstakra mála 
# Mannauðsstjórnun í samstarfi við mannauðsstjóra
# Fjármálastjórnun og áætlanagerð í samstarfi við fjármálastjóra
# Stefnumótun sviðs og embættis
# Önnur verkefni að beiðni landlæknis.

Hæfnikröfur
# Háskólapróf sem nýtist í starfi, framhaldsnám er kostur
# Þekking og reynsla á sviði stjórnunar er skilyrði
# Þekking og reynsla innan heilbrigðisþjónustu er skilyrði
# Þekking á sviði stjórnsýslu er skilyrði
# Góð almenn tölvukunnátta
# Góð kunnátta í íslensku og ensku, gjarnan vald á einu Norðurlandamáli
# Jákvæðni og framúrskarandi lipurð í mannlegum samskiptum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Upphafsdagur starfs er samkomulagsatriði. Umsókn skal fylgja ítarleg náms- og starfsferilskrá, auk kynningarbréfs þar sem gerð er grein fyrir ástæðu umsóknar, rökstuðningi fyrir hæfi ásamt sýn á starfið. Ákvörðun um ráðningu verður tekin út frá innsendum gögnum og viðtölum. Embættið hvetur karla jafnt sem konur til að sækja um starfið. Farið verður með umsóknir sem trúnaðarmál. Umsóknin gildir í 6 mánuði eftir að umsóknarfrestur rennur út nema umsækjandi ákveði annað. Embætti landlæknis áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu liggur fyrir.

Starfshlutfall er 100%
Umsóknarfrestur er til og með 28.10.2019

Nánari upplýsingar veitir
Þórgunnur Hjaltadóttir - [email protected] - 825-5136
Alma Dagbjört Möller - [email protected] - 510-1900


Landlæknir
Yfirstjórn
Rauðarárstíg 10
105 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira