Hoppa yfir valmynd
HeilbrigðisþjónustaHöfuðborgarsvæðið201910/1690Landspítali

Hjúkrunarfræðingur - kvenlækningadeild

Hjúkrunarfræðingur óskast á kvenlækningadeild 21A

Hjúkrunarfræðingur óskast til starfa á kvenlækningadeild 21A Landspítala. Um er að ræða starf í vaktavinnu og er starfshlutfall samkomulag. Möguleiki er á að taka eingöngu næturvaktir ef óskað er. Ráðið verður í starfið frá 1. nóvember 2019 eða eftir samkomulagi.

Á kvenlækningadeild starfar samhent teymi starfsmanna sem veitir fjölþætta heilbrigðisþjónustu allan sólarhringinn. Deildin, sem er í senn göngu-, dag- og legudeild, sinnir bráðatilfellum kvensjúkdóma sem og konum með góðkynja og illkynja sjúkdóma í grindarholi og brjóstum. Bráðatilfellum kvensjúkdóma er auk þess sinnt á deildinni utan opnunartíma nýrrar bráðaþjónustu kvennadeilda.

Í boði er spennandi, krefjandi og líflegt starfsumhverfi, góður starfsandi og fjölbreytt tækifæri til faglegrar þróunar.

Helstu verkefni og ábyrgð
» Ákveða, skipuleggja og veita hjúkrunarmeðferð fyrir og eftir aðgerðir kvenna
» Skipuleggja og veita fræðslu til sjúklinga og aðstandenda
» Virk þátttaka í teymis- og umbótastarfi á deild

Hæfnikröfur
» Faglegur metnaður og ábyrgð í starfi
» Jákvætt viðmót og góðir samskiptahæfileikar
» Hæfni til að takast á við fjölþætt, breytileg og bráð verkefni hjúkrunar kvenna og fjölskyldna þeirra
» Íslenskt hjúkrunarleyfi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu LSH við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og hjúkrunarleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 60 - 100%
Umsóknarfrestur er til og með 21.10.2019

Nánari upplýsingar veitir
Hrund Magnúsdóttir - [email protected] - 825 3752


Landspítali
Kvenlækningadeild
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira