Hoppa yfir valmynd
HeilbrigðisþjónustaHöfuðborgarsvæðið201910/1711Landspítali

Sérfræðilæknir í brjóstaskurðlækningum

Sérfræðilæknir í brjóstaskurðlækningum

Landspítali auglýsir laust til umsóknar starf sérfræðilæknis í almennum skurðlækningum með undirgreinina brjóstaskurðlækningar. Starfshlutfall er 100% og veitist starfið frá 1. febrúar 2020 eða eftir nánari samkomulagi. 

Við sérgreinina starfa um 10 sérfræðilæknar í öflugu þverfaglegu teymi og í nánu samstarfi við aðrar fagstéttir spítalans. Leitað er eftir jákvæðum og metnaðarfullum sérfræðilækni til að annast sérhæfða meðferð og eftirfylgd við sjúklinga okkar.

Helstu verkefni og ábyrgð
» Sérfræðistörf í samráði við yfirlækni sérgreinarinnar, s.s. greining meðferð og eftirfylgd sjúklinga með vandamál er tengjast sérgreininni, m.a. þátttaka í samráðskvaðningum og göngudeildarþjónustu
» Þátttaka í vöktum sérgreinarinnar 
» Þátttaka í kennslu og vísindavinnu í samráði við yfirlækni

Hæfnikröfur
» Almenn reynsla í greiningu og meðferð sjúkdóma sérgreinarinnar
» Viðbótarþekking í brjóstaskurðlækningum er nauðsynleg 
» Jákvæðni, sveigjanleiki og lipurð í samskiptum
» Reynsla í kennslu- og vísindavinnu æskileg
» Íslenskt sérfræðileyfi í almennum skurðlækningum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Skurðlæknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu LSH við ráðningar á spítalanum.

Upplýsingar um fyrri störf, menntun, hæfni, félagsstörf og umsagnaraðila skal skrá inn í umsóknarformið. Einnig skal fylgja umsókninni vottað afrit af námsgögnum og starfsleyfum, tilgreind reynsla af kennslu, vísindavinnu og stjórnunarstörfum ásamt yfirliti yfir birtar vísindagreinar (eða í ritrýni) sem umsækjandi er fyrsti höfundur að. 

Mat stöðunefndar læknaráðs Landspítala byggist á innsendum umsóknargögnum. Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og senda sem viðhengi, en ítarlegri upplýsingar í umsókn fyrir læknisstöðu, sjá slóð hér fyrir neðan. 

Umsókn um læknisstöðu - umsóknareyðublað Embættis Landlæknis

Starfshlutfall er 100%
Umsóknarfrestur er til og með 21.10.2019

Nánari upplýsingar veitir
Páll Helgi Möller - [email protected] - 824 5375
Svanheiður Lóa Rafnsdóttir - [email protected] - 824 5175


Landspítali
Kviðarholsskurðlækningar
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira