Hoppa yfir valmynd
SkrifstofustörfHöfuðborgarsvæðið201910/1709Landspítali

Skrifstofumaður/ heilbrigðisritari - Vífilsstaðir

Skrifstofumaður/ heilbrigðisritari óskast á Vífilsstaði

Laust er til umsóknar starf heilbrigðisritara á Vífilsstöðum. Upphaf starfs er 1. desember 2019 eða samkdæmt samkomulagi. Við viljum ráða jákvæðan og þjónustulipran einstakling með góða samskiptahæfni. Um er að ræða dagvinnustarf, virka daga, sem felur í sér mikil samskipti og fjölbreytt og krefjandi verkefni.

Á Vífilsstöðum starfa um 80 manns í þverfaglegu teymi. Hjúkrunardeildin er 42 rúma og er hluti af Landspítala. Skjólstæðingarnir þar hafa gilt færni- og heilsumat og eru að bíða eftir vist á hjúkrunarheimili. Lögð er áhersla á jákvætt framlag sérhvers einstaklings, þátttöku og samvinnu í daglegum störfum deildarinnar. 

Við tökum vel á móti nýjum starfsmönnum og veitum góða aðlögun. Áhugasamir hafið samband við Borghildi, deildarstjóra.

Helstu verkefni og ábyrgð
» Upplýsingagjöf
» Símavarsla
» Sjúklingabókhald
» Gagnaumsjón og almenn skrifstofustörf
» Þjónusta við skjólstæðinga, aðstandendur og samstarfsfólk
» Birgðaumsjón og frágangur
» Ýmis sérverkefni í samvinnu við deildarstjóra og vaktstjóra

Hæfnikröfur
» Jákvæðni og lipurð í samskiptum
» Góð íslenskukunnátta
» Góð almenn tölvukunnátta
» Heilbrigðisritaramenntun, stúdentspróf og/ eða reynsla af skrifstofustörfum

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 50 - 80%
Umsóknarfrestur er til og með 21.10.2019

Nánari upplýsingar veitir
Borghildur Árnadóttir - [email protected] - 543 9533
Bára Benediktsdóttir - [email protected] - 824 5909


Landspítali
Öldrunardeild H
Vífilsstöðum

210 Garðabær


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira