Hoppa yfir valmynd
SérfræðistörfHöfuðborgarsvæðið201910/1727Háskóli Íslands

Efnavörður í stoðþjónustu, Verkfræði- og náttúruvísindasvið

Efnavörður í stoðþjónustu, Verkfræði- og náttúruvísindasvið, Háskóli Íslands

Verkfræði- og náttúruvísindasvið Háskóla Íslands óskar eftir að ráða í fullt starf efnavörð sem mun hafa umsjón með efnalager námsbrautar í efnafræði og undirbúa verklega kennslu í efnafræði.

Meginverkefni efnavarðar snúa að undirbúningi og umsjón með verklegri kennslu aðallega í almennri efnafræði. Efnavörður hefur umsjón með efnalager, sér um efnainnkaup og gengur frá spilliefnum til förgunar. Viðkomandi mun einnig sinna mælingum og þjónustu við kennara og nemendur námsbrautar í efnafræði þar sem það á við. 

Helstu verkefni og ábyrgð
>> Umsjón með efnalager
>> Undirbúningur fyrir framkvæmd verklegra námskeiða
>> Þátttaka í skipulagningu verklegs náms í efnafræði
>> Þátttaka í verklegri kennslu í efnafræði
>> Frágangur og förgun spilliefna
>> Þátttaka í öryggismálum rannsóknarstofa í efnafræði
>> Samstarf með öðru tæknifólki og kennurum 

Hæfnikröfur
>> Háskólapróf í efnafræði (framhaldsmenntun er æskileg)
>> Reynsla af efnagreiningum er æskileg
>> Reynsla af rannsóknum í efnafræði æskileg
>> Þjónustulund er nauðsynleg
>> Lipurð í mannlegum samskiptum
>> Nákvæmi og yfirsýn 
>> Skipulagsfærni og frumkvæði í starfi 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að umsækjandi geti hafið störf sem fyrst.

Umsækjendur skulu láta fylgja umsókn sinni i) ferilskrá, ii) afrit af prófskírteinum, iii) nöfn og netföng tveggja umsagnaraðila.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Á Verkfræði- og náttúruvísindasviði starfa um 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2900 talsins í sex deildum. Þar af eru 350 í meistaranámi og 150 í doktorsnámi. Rannsóknarstofnanir sviðsins eru Jarðvísindastofnun og Eðlisvísindastofnun sem báðar heyra undir Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans.

Háskóli Íslands er stærsta kennslu-, rannsókna- og vísindastofnun Íslands og er í hópi 300 bestu háskóla heims samkvæmt nýjum matslista Times Higher Education.

Starfshlutfall er 100%
Umsóknarfrestur er til og með 28.10.2019

Nánari upplýsingar veitir
Sigríður Jónsdóttir - [email protected] - 525 4802


Háskóli Íslands
Verkfræði- og náttúruvísindasvið stjórnsýsla
Hjarðarhaga 2-6
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira