Hoppa yfir valmynd
StjórnunarstörfHöfuðborgarsvæðið201910/1740Umhverfis- og auðlindaráðuneytið

Forstjóri Umhverfisstofnunar

Forstjóri Umhverfisstofnunar 

Umhverfis- og auðlindaráðuneytið auglýsir laust embætti forstjóra Umhverfisstofnunar. 

Leitað er eftir leiðtoga með kraft og metnað til að vinna að markmiðum stofnunarinnar og veita framúrskarandi þjónustu í þágu náttúru, almennings og atvinnulífs.  Embættið felur í sér tækifæri til að vinna að framtíðarstefnumótun á sviði umhverfismála. 

Umhverfis- og auðlindaráðherra skipar forstjóra Umhverfisstofnunar til fimm ára. Hann stýrir stofnuninni, mótar stefnu í störfum hennar og ber ábyrgð á fjárhagslegum rekstri hennar. Hjá stofnuninni starfa um 120 starfsmenn.

Hlutverk Umhverfisstofnunar er lögum samkvæmt að stuðla að velferð almennings með því að beita sér fyrir heilnæmu umhverfi, öruggum neysluvörum, náttúruvernd og sjálfbærri nýtingu náttúruauðlinda.

Helstu verkefni stofnunarinnar eru:
Loftslagsmál og loftgæði
Verndun hafs og vatns
Málefni hringrásarhagkerfisins
Náttúruvernd og umsjón og rekstur friðlýstra svæða
Verndun og stjórnun veiða á villtum fuglum og dýrum 
Eftirlit og leyfisveitingar, m.a. vegna mengandi starfsemi
Söfnun og miðlun upplýsinga um umhverfismál

Menntunar- og hæfniskröfur: 
Háskólamenntun á meistarastigi sem nýtist í starfi
Víðtæk stjórnunarreynsla og reynsla af vinnu við stefnumótun og áætlanagerð
Leiðtogahæfileikar
Hæfni til að leiða fólk til samvinnu og árangurs
Reynsla af opinberri stjórnsýslu er kostur
Gott vald á íslensku og góð kunnátta í ensku og einu Norðurlandamáli 

Umsókn skal fylgja ítarleg starfsferilskrá og stutt kynningarbréf um ástæðu umsóknar auk upplýsinga um árangur sem viðkomandi hefur náð í starfi og telur að nýtist í embættið. Þriggja manna valnefnd skipuð af umhverfis- og auðlindaráðherra metur hæfni og hæfi umsækjenda og skilar greinargerð til ráðherra. 

Umsóknarfrestur er til og með 28. október nk. 
Umsóknum skal skila rafrænt á netfangið [email protected].

Fjármála- og efnahagsráðherra ákveður föst laun fyrir dagvinnu í samræmi við grunnmat embættis forstjóra Umhverfisstofnunar og önnur laun er embættinu fylgja.

Ráðuneytið hvetur konur jafnt sem karla til að sækja um starfið.

Upplýsingar um embættið veitir Sigríður Auður Arnardóttir, ráðuneytisstjóri í umhverfis- og auðlindaráðuneytinu ([email protected]).

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira