Hoppa yfir valmynd
SérfræðistörfHöfuðborgarsvæðið201910/1728Háskóli Íslands

Verkefnisstjóri á sviði samfélagsverkefna

Verkefnisstjóri á sviði samfélagsverkefna við Háskóla Íslands

Verkefnisstjóri á sviði samfélagsverkefna fylgir eftir stefnu Háskóla Íslands á sviði vísindamiðlunar með því að kynna vísindi og fræði á áhugaverðan og hvetjandi hátt. Markmið starfsins er að efla áhuga ungs fólks og samfélagsins á vísindum og rækta sterk tengsl Háskóla Íslands við önnur skólastig. Verkefnisstjóri á sviði samfélagsverkefna ber ábyrgð á að þau verkefni sem honum eru falin séu vel og faglega leyst af hendi. Næsti yfirmaður er kynningarstjóri vísindamiðlunar við HÍ.

Verkefnisstjóri á sviði samfélagsverkefna kemur að þeim miðlægu verkefnum Háskóla Íslands er varða almannafræðslu og tengsl við aðrar mennta- og menningastofnanir. Hann ber ábyrgð á skilgreindum þáttum verkefnanna í samstarfi við kynningarstjóra vísindamiðlunar.

Helstu verkefni og ábyrgð
>> Háskólalestin (skipulagning ferða, undirbúningur og framkvæmd).
>> Vísindamiðja HÍ (tengsl við skóla, þróun verkefna, útfærsla viðburða, kynningarmál o.fl.).
>> Ungir vísindamenn (framkvæmd keppni, tengsl við framhaldsskóla og keppendur o.fl.).
>> Legó keppnin (skipulagning og framkvæmd, tengsl við skóla og samstarfsaðila o.fl.).
>> Ber ábyrgð á innihaldi og innsetningu efnis á vefi og samfélagsmiðla sem tengjast ofangreindum verkefnum, á ensku og íslensku.
>> Liðsinnir við ýmis önnur miðlæg samfélags og miðlunarverkefni svo sem Háskóladaginn, Háskóla unga fólksins, Vísindavöku Rannís o.fl. 
>> Annast önnur störf sem tengjast samfélagsverkefnum og kunna að reynast nauðsynleg hverju sinni.

Hæfnikröfur
>> Háskólagráða sem nýtist í starfinu og góð almenn þekking.
>> Haldgóð reynsla af skipulagi viðburða og verkefna.
>> Reynsla af textagerð, vinnu við vefsíður og notkun samfélagsmiðla. 
>> Góð tök á íslensku og ensku máli.
>> Góð almenn tölvufærni. 
>> Þekking og tengsl innan skóla- og menntastofana er kostur. 
>> Sjálfstæði í starfi, frumkvæði, skipulagshæfni og sjálfstraust.
>> Lipurð í mannlegum samskiptum og rík þjónustulund.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Gert er ráð fyrir að umsækjandi geti hafið störf sem fyrst.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Starfshlutfall er 75%
Umsóknarfrestur er til og með 28.10.2019

Nánari upplýsingar veitir
Guðrún Jónsdóttir Bachmann - [email protected] - 525 4234


Háskóli Íslands
Framkvæmda- og tæknisvið
v/Suðurgötu
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira