Hoppa yfir valmynd
StjórnunarstörfHöfuðborgarsvæðið201910/1775Mennta- og menningarmálaráðuneytið

Embætti forstöðumanns Hljóðbókasafns Íslands

Embætti forstöðumanns
Hljóðbókasafns Íslands laust til umsóknar

Hljóðbókasafn Íslands
Hljóðbókasafn Íslands er ríkisstofnun undir yfirstjórn ráðherra, stofnað 1982. Hlutverk Hljóðbókasafns Íslands er að sjá þeim sem ekki geta fært sér venjulegt prentað letur í nyt fyrir bókasafnsþjónustu með miðlun á fjölbreyttu safnefni, þar á meðal námsgögnum, í sem bestu samræmi við óskir og þarfir notenda.
Hljóðbókasafn Íslands skal hafa samstarf við aðila sem standa að skipulagningu bókasafnamála, þá sem vinna að framleiðslu og dreifingu námsefnis og þá sem starfa að málefnum blindra og sjónskertra og annarra hópa fatlaðs fólks sem nýtur þjónustu safnsins. Starfsmenn eru að jafnaði sex.

Hæfnikröfur
Leitað er eftir einstaklingi með umfangsmikla stjórnunarreynslu, leiðtoga- og samskiptahæfni, reynslu af stefnumótunarvinnu, hæfileika til nýsköpunar og að stýra breytingum. Þekking og reynsla af stjórnsýslu, fjármálum og rekstri er einnig mikilvæg.  

Menntunarkröfur
Samkvæmt 1. mgr. 16. gr. laga um bókasöfn, nr. 150/2012 skal forstöðumaður Hljóðbókasafns Íslands hafa háskólamenntun og staðgóða þekkingu á starfssviði safnsins.

Starfssvið 
Forstöðumaður stjórnar starfsemi og rekstri Hljóðbókasafns Íslands. Hann ræður starfsmenn þess og er í fyrirsvari fyrir safnið.

Ráðning og kjör
Mennta- og menningarmálaráðherra skipar forstöðumann Hljóðbókasafns Íslands til fimm ára í senn skv. 1. mgr. 16. gr. laga um bókasöfn, sbr. lög um réttindi og skyldur starfsmanna ríkisins, nr. 70/1996, með síðari breytingum. Ráðið er í starfið frá 1. janúar 2020.

Um laun forstöðumanns Hljóðbókasafns Íslands fer eftir 39. gr. a í lögum um réttindi og skyldur starfsmanna ríkisins, nr. 70/1996.

Umsóknir
Umsóknir með greinargerð umsækjenda um framtíðarsýn fyrir Hljóðbókasafn Íslands (út frá faglegum og rekstrarlegum áherslum) með upplýsingum um núverandi starfsheiti umsækjenda ásamt ítarlegum upplýsingum um menntun og fyrri störf skulu hafa borist mennta- og menningarmálaráðuneytinu, Sölvhólsgötu 4, 150 Reykjavík eða á netfangið [email protected], fyrir dagslok mánudaginn 18. nóvember 2019. 

Nöfn allra umsækjenda verða birt á vef ráðuneytisins að loknum umsóknarfresti og verða umsóknir þar sem óskað er nafnleyndar ekki teknar til greina. Nánari upplýsingar um starfið veitir Anna María Urbancic rekstrarstjóri í mennta- og menningarmálaráðuneyti.

Umsóknarfrestur er til og með 18. nóvember 2019.

Mennta- og menningarmálaráðuneyti, 21. október 2019.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira