Hoppa yfir valmynd
Önnur störfHöfuðborgarsvæðið201910/1776Landspítali

Starfsmaður í eldhúsi/ dagvinna - Laugarásinn meðferðargeðdeild

Starfsmaður í eldhúsi/ dagvinna - Laugarásinn meðferðargeðdeild 

Metnaðarfullur einstaklingur óskast til starfa í eldhúsi á Laugarásnum meðferðargeðdeild Landspítala. Starfið felur í sér mikil samskipti og fjölbreytt og krefjandi verkefni. Laugarásinn heyrir undir geðsvið og er sérhæfð deild fyrir ungt fólk með geðrofssjúkdóm á byrjunarstigi þar sem unnið er fjölbreytt og sérhæft starf í snemmíhlutun geðrofssjúkdóma fyrir einstaklinga á aldrinum 18-30 ára. Á deildinni eru 7 sólarhringspláss. Að stærstum hluta er starfsemi deildarinnar dagdeild þar sem um 100 einstaklingar sækja þjónustu og er daglegt umfang matseldar 20-30 einstaklingar í hádegisverð.

Við leitum eftir jákvæðum og þjónustuliprum einstaklingi með góða samskiptahæfni sem hefur einlægan áhuga á að vinna með ungu fólki. Áhugi á matargerð og heilnæmu fæði er skilyrði. Starfshlutfall er 70-100% eftir nánara samkomulagi og er eingöngu um dagvinnu að ræða. Starfið er laust frá 1. desember 2019 eða eftir samkomulagi.

Helstu verkefni og ábyrgð
» Dagleg störf í eldhúsi s.s. aðstoð við matseld, uppvask og frágang í eldhúsi
» Tekur þátt í matarinnkaupum í samvinnu við matráð
» Tekur þátt í að leiðbeina þjónustuþegum Laugarássins við matreiðslu
» Önnur tilfallandi verkefni sem varða húsakynni Laugarássins

Hæfnikröfur
» Einlægur áhugi á að vinna með ungu fólki
» Góð samstarfshæfni, frumkvæði og færni í mannlegum samskiptum
» Stundvísi og áreiðanleiki
» Hreinlæti og snyrtimennska 
» Jákvæðni og sveigjanleiki gagnvart hinum ýmsu störfum sem til falla í starfsemi deildarinnar
» Áhugi á matargerð og hollu fæðuvali
» Reynsla af eldhússtörfum er kostur

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tekið er mið af jafnréttisstefnu LSH við ráðningar á spítalanum. Öllum umsóknum verður svarað. 

Umsókn fylgi náms- og starfsferilskrá. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 70 - 100%
Umsóknarfrestur er til og með 11.11.2019

Nánari upplýsingar veitir
Halldóra Friðgerður Víðisdóttir - [email protected] - 848 2636


Landspítali
Laugarásinn meðferðargeðdeild
Laugarásvegi 71
104 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira