Hoppa yfir valmynd
Önnur störfSuðurland201910/1814Umhverfisstofnun

Heilsárslandvarsla - Suðurland

Heilsárslandvarsla á Suðurlandi

Umhverfisstofnun óskar eftir að ráða heilsárslandvörð í Dyrhólaey og Skógafoss.

Helstu verkefni og ábyrgð
Starfið felur í sér umsjón og eftirlit með friðlýstu svæðunum Dyrhólaey og Skógafoss og að gæta þess að ákvæðum náttúruverndarlaga og sérlaga, friðlýsingarskilmála og stjórnunar- og verndaráætlana svæðanna sé fylgt. Landvörður kemur á framfæri upplýsingum og fræðir gesti um náttúru og sögu svæðanna, sinnir viðhaldi innviða og heldur við merktum gönguleiðum, sumar jafnt sem vetur. Hann þarf að vera viðbúinn ef slys ber að höndum og er gerð krafa um að sá eða sú sem verður ráðin(n) til starfa sæki skyndihjálparnámskeið eða hafi gild skyndihjálparréttindi.

Hæfnikröfur
Gerð er krafa um að umsækjendur hafi lokið námskeiði í landvörslu eða lokið öðru námi sem Umhverfisstofnun telur samsvarandi auk þess að búa yfir lipurð í mannlegum samskiptum.
Að öðru leyti verða eftirfarandi viðmið um þekkingu, reynslu og hæfni höfð að leiðarljósi við val á starfsfólki: 
- Þekking á starfssvæði
- Reynsla af landvörslustörfum
- Tungumálakunnátta: Íslenska, enska, Norðurlandamál, önnur tungumál. 
- Gild ökuréttindi
- Aðrir þættir s.s.: Reynsla af útivist og náttúrutúlkun, skálavarsla, björgunarsveitarstörf og leiðsöguréttindi

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Verkalýðsfélag Suðurlands hafa gert.
Bæði konur og karlar eru hvött til að sækja um starfið.
Gert er ráð fyrir að ráðning taki gildi frá 1. janúar 2020. Umsóknir geta gilt í sex mánuði frá því að umsóknarfrestur rennur út.
Gagnkvæmur reynslutími er sex mánuðir frá ráðningu.

Starfshlutfall er 100%
Umsóknarfrestur er til og með 18.11.2019

Nánari upplýsingar veitir
Daníel Freyr Jónsson - [email protected] - 5912000
Hákon Ásgeirsson - [email protected] - 5912000


Umhverfisstofnun
Svið náttúru, hafs og vatns Teymi þjóðgarðs og náttúruverndar suður
Suðurlandsbraut 24
108 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira