Hoppa yfir valmynd
Kennsla og rannsóknirHöfuðborgarsvæðið201910/1822Háskóli Íslands

Nýdoktorastyrkir

 

Nýdoktorastyrkir Háskóla Íslands 2020
 
Háskóli Íslands auglýsir allt að átta nýdoktorastyrki sem ætlaðir eru þeim sem hafa lokið doktorsprófi á síðastliðnum sjö árum (janúar 2014 og síðar). Tekið er tillit til veikinda og fæðingarorlofs við mat á tíma að loknu doktorsprófi. Styrkirnir verða veittir til allt að þriggja ára. 

Stjórn Rannsóknasjóðs annast mat, forgangsröðun umsókna og úthlutun. Við mat á umsóknum er fyrst og fremst farið eftir rannsóknaráformum, rannsóknaráætlun og ritvirkni umsækjanda, með tilliti til þess tíma sem liðinn er frá doktorsprófi. Við val á milli umsækjenda verður enn fremur litið til þarfa hvers fræðasviðs fyrir sig. Fræðasvið Háskóla Íslands eru Félagsvísindasvið, Heilbrigðisvísindasvið, Hugvísindasvið, Menntavísindasvið og Verkfræði- og náttúruvísindasvið.

Umsókninni skal fylgja i) greinargerð um rannsóknaráform, ii) feril- og ritaskrá, iii) afrit af doktorsprófsskírteini eða staðfesting frá viðkomandi háskóla um að umsækjandi verji doktorsritgerð fyrir 1. júlí 2020, iv) staðfesting frá fræðasviði, deild eða stofnun við Háskóla Íslands um að umsækjandi muni njóta fullnægjandi aðstöðu og hafa aðgang að búnaði til að stunda fyrirhugaðar rannsóknir eftir því sem við á (sjá sniðmát). Öll innsend fylgigögn skulu vera í PDF formi.

Einnig er óskað eftir því að umsækjendur fái tvo fagaðila til þess að senda inn umsögn um gæði rannsókna umsækjenda og getu viðkomandi til að sinna fyrirhugaðri rannsókn. Æskilegt er að annar umsagnaraðilinn hafi tengst doktorsverkefni umsækjanda. Umsagnir berist í PDF formi á tölvupóstfangið [email protected] áður en umsóknarfrestur rennur út.

Umsóknarfrestur er til og með 2. desember 2019. Miðað er við að styrkþegar hefji störf eigi síðar en í september 2020.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests. 

Laun eru samkvæmt kjarasamningi fjármálaráðherra og hlutaðeigandi stéttarfélags. 

Við ráðningar í störf við Háskóla Íslands er tekið mið af jafnréttisáætlun háskólans.

Vakin er athygli á málstefnu Háskóla Íslands.

Nánari upplýsingar, þ.á.m. um ofangreinda staðfestingu á aðstöðu, veitir Svavar Steinarr Guðmundsson, vísinda- og nýsköpunarsviði ([email protected]). 

Umsóknum skal skilað rafrænt, umsóknareyðublað ásamt leiðbeiningum má nálgast hér.  

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira