Hoppa yfir valmynd
SkrifstofustörfHöfuðborgarsvæðið201910/1812Greiningar- og ráðgjafastöð ríkisins

Ritari

Ritari

Ritari óskast til starfa á Greiningar- og ráðgjafarstöð ríkisins. Ritari mun starfa að mestu á sviði langtímaeftirfylgdar, sem sinnir börnum á aldrinum 6-18 ára, með auknar stuðningsþarfir og þörf fyrir sérhæfða ráðgjöf. Einnig er gert ráð fyrir að viðkomandi taki þátt í annarri starfsemi, t.d. viðveru við skiptiborð og afgreiðslu stöðvarinnar.

Starfssvið
Starfið felst í almennum ritarastörfum, svo og skipulagningu og úrvinnslu verkefna í samvinnu við sérfræðinga sviðsins, t.d. fundarritun, boðun skjólstæðinga, úrvinnslu funda, símsvörun og öðrum verkefnum sem tengjast starfsemi sviðsins/stofnunarinnar. 

Menntunar- og hæfniskröfur
Menntun og reynsla af ritarastörfum og skjalavörslu.
Almenn tölvukunnátta er nauðsynleg. Þekking á Office hugbúnaði, t.d. Word, Excel og Outlook.
Leitað er að starfsmanni með góða samskiptahæfni, getu til frumkvæðis og sjálfstæðra vinnubragða.

Um er að ræða 50 – 80% starfshlutfall og gott að viðkomandi geti hafið störf í janúar 2020 eða eftir nánara samkomulagi. Laun greiðast skv. kjarasamningi Sameykis, stéttarfélags í almannaþjónustu (áður SFR) við ríkissjóð.  Upplýsingar um starfið veitir Ingólfur Einarsson, sviðstjóri eða Hrönn Björnsdóttir, verkefnastjóri, í síma 510-8400. 

Umsóknir, ásamt upplýsingum um menntun og fyrri störf, berist Greiningar- og ráðgjafarstöð ríkisins, Digranesvegi  5, 200 Kópavogi, eða í tölvupósti á [email protected] fyrir 20. nóvemer 2019. Öllum umsóknum verður svarað. 

Vegna kynjasamsetningar á vinnustaðnum eru karlmenn hvattir til að sækja um.

Litið verður svo á að umsóknir gildi í sex mánuði frá því að umsóknarfresti lýkur. 

Greiningar- og ráðgjafarstöð ríkisins er framsækin stofnun með fjölskylduvæna starfsmannastefnu sem býður m.a. upp á sveigjanlegan vinnutíma. Nýir starfsmenn fá handleiðslu og starfsþjálfun á aðlögunartíma og er lögð áhersla á þróun í starfi og tækifæri til sí- og endurmenntunar. Hlutverk Greiningar- og ráðgjafarstöðvar ríkisins er að tryggja að börn með alvarlegar þroskaskerðingar sem leitt geta til fötlunar síðar á ævinni fái greiningu, ráðgjöf og önnur úrræði sem bæta lífsgæði þeirra. Sjá nánar á www.greining.is.


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira