Hoppa yfir valmynd
Önnur störfHöfuðborgarsvæðið201910/1820Íslenskar orkurannsóknir

Starfsmaður í tölvuþjónustu


Starfsmaður í tölvuþjónustu

Íslenskar orkurannsóknir, ÍSOR, leita að drífandi einstaklingi til að sinna tölvuþjónustu við starfsfólk ÍSOR. Um er að ræða fullt starf.
Starfið felur í sér aðstoð við notendur, uppsetningu og þjónustu á vél- og hugbúnaði starfsfólks, eftir atvikum vinnu við miðlæg kerfi auk annarra fjölbreyttra verkefna. Útstöðvar eru ýmist með Windows- eða Linux-stýrikerfum. 

Menntunar- og hæfniskröfur:
Menntun og reynsla sem nýtist í starfi.
Góð þekking á Windows- og Linux-stýrikerfum.
Góð þekking á Microsoft-hugbúnaði á útstöðvum. 
Frumkvæði og sjálfstæð vinnubrögð.
Lipurð í mannlegum samskiptum.

Samkeppnishæf laun eru í boði og er kjarasamningi viðkomandi stéttarfélags fylgt. Við ráðningar í störf er tekið mið af gildandi jafnréttisáætlun ÍSOR.

Nánari upplýsingar um starfið veitir Sveinbjörn B. Nikulásson kerfisstjóri, netfang: [email protected]

Umsóknir, ásamt ferilskrá, berist Valgerði Gunnarsdóttur mannauðsstjóra, netfang:  [email protected]

Umsóknarfrestur er til og með 18. nóvember 2019. Umsóknir gilda í sex mánuði og öllum umsóknum verður svarað þegar ákvörðun um ráðningu liggur fyrir.

ÍSOR er meðal helstu fyrirtækja í heiminum á sviði rannsókna og þróunar í jarðhita og nýtur alþjóðlegrar viðurkenningar sem slíkt. ÍSOR veitir ráðgjafarþjónustu og annast beinar grunnrannsóknir á flestum sviðum jarðhitanýtingar og annarra auðlinda, ásamt því að annast kennslu í jarðhitafræðum. ÍSOR er sjálfstæð ríkisstofnun sem heyrir undir umhverfis- og auðlindaráðuneytið en starfar á viðskiptalegum grundvelli á samkeppnismarkaði. 
Aðalstöðvar ÍSOR eru í Reykjavík og útibú er á Akureyri. 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira