Hoppa yfir valmynd
Önnur störfHöfuðborgarsvæðið201911/1832Hafrannsóknastofnun

Stýrimenn

 
Stýrimenn

Hafrannsóknastofnun auglýsir lausar til umsókna tvær stöður stýrimanna á rannsóknaskipin Bjarna Sæmundsson og Árna Friðriksson. Starfsmenn munu vinna á báðum rannsóknaskipunum eftir því sem þörf krefur.

Menntunar- og hæfniskröfur:
Skipstjórnarréttindi á fiskiskipum (skipstjórnarnám C)
Öryggisfræðslunámskeið hjá Slysavarnaskóla sjómanna
Reynsla af sjómannsstörfum á fiskiskipum
Hæfni til góðra samskipta og samvinnu

Leitað er eftir einstaklingum sem eru vinnusamir, reglusamir og heilsuhraustir. Starfsmenn skulu hefja störf í byrjun janúar n.k. eða síðar skv. samkomulagi. Heimahöfn skipanna verður í Hafnarfirði. Laun eru samkvæmt kjarasamningi fjármálaráðuneytis og Félags skipstjórnarmanna. 

Umsóknarfrestur er til og með 22. nóvember. Umsóknir með upplýsingum um menntun, starfsreynslu og nöfnum tveggja meðmælenda sendist á póstfangið [email protected] eða á skrifstofu Hafrannsóknastofnunar, Skúlagötu 4, 101 Reykjavík, merktar Stýrimenn. 

Nánari upplýsingar um störfin veitir Sólmundur Már Jónsson mannauðs- og rekstrarstjóri ([email protected], sími; 575 2000).

Konur, jafnt sem karlar, eru hvattar til að sækja um störfin. Öllum umsóknum verður svarað þegar ákvörðun um ráðningu liggur fyrir.

Hafrannsóknastofnun, rannsókna- og ráðgjafarstofnun hafs og vatna er stærsta rannsóknastofnun landsins á sviði haf- og vatnarannsókna og gegnir auk þess ráðgjafarhlutverki varðandi sjálfbæra nýtingu og verndun auðlinda hafs og vatna. Mikill hluti starfseminnar tengist alþjóðlegu samstarfi við erlendar hafrannsóknastofnanir og háskóla. Stofnunin rekur auk aðalstöðva í Reykjavík starfsstöðvar vítt og breytt um landið, tilraunaeldisstöð, tvö rannsóknaskip og hefur að jafnaði um 190 starfsmenn í þjónustu sinni.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira