Hoppa yfir valmynd
HeilbrigðisþjónustaHöfuðborgarsvæðið201910/1805Landspítali

Sérfræðilæknir í svæfinga- og gjörgæslulækningum

Sérfræðilæknir í svæfinga- og gjörgæslulækningum

Laus eru til umsóknar tvö störf sérfræðilækna í svæfinga- og gjörgæslulækningum á Landspítala. Starfsvettvangur innan spítalans verður að mestu við svæfinga- og gjörgæsludeild við Hringbraut. Starfsemin er fjölbreytt og felur m.a. í sér skurðaðgerðir á þvagfærum, í kviðarholi, hjarta- og brjóstholsaðgerðir á börnum og fullorðnum. Svæfingar fyrir augnskurðlækningar og tannlækningar fara einnig fram á skurðstofugangi við Hringbraut. Svæfingadeild kvennadeildar er hluti af svæfinga- og gjörgæsludeild við Hringbraut. 
Fyrir utan svæfingar á skurðstofugöngum er svæft alla daga vikunnar á æðaþræðingastofum, speglunardeild og röntgendeild. Gjörgæsludeildin sinnir gjörgæslulækningum barna og fullorðinna. Þá sinna læknar með sérhæfingu í verkjameðferð sjúklingum með bráða og langvinna verki á vegum Verkjateymis Landspítala.

Á deildinni starfa 24 sérfræðilæknar og 10 sérnámslæknar í þverfaglegu teymi og í nánu samstarfi við aðrar fagstéttir spítalans. Starfshlutfall er 100% og veitast störfin frá 1. ágúst 2020 eða skv. nánara samkomulagi. Starfið er dagvinnustarf með vaktavinnu. 

Helstu verkefni og ábyrgð
» Vinna við svæfinga- og gjörgæslulækningar á deildinni og við flutning bráðveikra sjúklinga milli Hringbrautar og Fossvogs
» Vaktir samkvæmt vaktafyrirkomulagi sérgreinarinnar
» Þátttaka í kennslu og vísindavinnu í samráði við yfirlækna og prófessor

Hæfnikröfur
» Íslenskt sérfræðileyfi í svæfinga- og gjörgæslulækningum
» Viðbótarmenntun og reynsla í sérhæfðri verkjameðferð er skilyrði fyrir veitingu annarrar stöðunnar
» Vilji til frekari sérhæfingar í samráði við yfirlækna deildarinnar
» Jákvæðni, sveigjanleiki og lipurð í samskiptum
» Reynsla í kennslu og vísindavinnu er æskileg en ekki skilyrði
» Góð íslenskukunnátta

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu LSH við ráðningar á spítalanum. 

Upplýsingar um fyrri störf, menntun, hæfni, félagsstörf og umsagnaraðila skal skrá inn í umsóknarformið. Einnig skal fylgja umsókninni vottað afrit af námsgögnum og starfsleyfum, tilgreind reynsla af kennslu, vísindavinnu og stjórnunarstörfum ásamt yfirliti yfir birtar vísindagreinar (eða í ritrýni) sem umsækjandi er fyrsti höfundur að.

Mat stöðunefndar læknaráðs Landspítala byggist á innsendum umsóknargögnum. Viðtöl verða við umsækjendur og ákvörðun um ráðningu í starfið byggir einnig á þeim. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

ATH. Fylla þarf út lágmarksupplýsingar í almenna umsókn og senda sem viðhengi, en ítarlegri upplýsingar fyllist út í umsókn fyrir læknastöðu, sjá slóð hér fyrir neðan:

Umsókn um læknisstöðu - umsóknareyðublað Embættis landlæknis

Starfshlutfall er 100%
Umsóknarfrestur er til og með 18.11.2019

Nánari upplýsingar veitir
Kári Hreinsson - [email protected] - 825 3790
Elfa Hrönn Guðmundsdóttir - [email protected] - 691 7823


Landspítali
Svæfinga- og gjörgæslulækningar H
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira