Hoppa yfir valmynd
StjórnunarstörfHöfuðborgarsvæðið201910/1806Landspítali

Aðstoðardeildarstjóri á meðgöngu- og sængurlegudeild​

Aðstoðardeildarstjóri á meðgöngu- og sængurlegudeild

Laus eru til umsóknar 2 störf aðstoðardeildarstjóra á meðgöngu- og sængurlegudeild 22A á kvenna og barnasviði. Um er að ræða vaktavinnu í 80-100% starfshlutfalli. Ráðið verður í stöðurnar frá 1. desember 2019 eða eftir samkomulagi. Leitað er eftir ljósmæðrum með reynslu af stjórnun og þjónustu í meðgöngu- og sængurlegu.

Deildin sinnir heilbrigðum og veikum konum í sængurlegu eftir fæðingu. Einnig annast deildin konur sem þurfa innlögn og náið eftirlit á meðgöngu og við missi á meðgöngu við 12-22 vikur. Veitt er fagleg umönnun með fjölskylduhjúkrun að leiðarljósi. 

Helstu verkefni og ábyrgð
» Er nánasti samstarfsmaður yfirljósmóður og vinnur að skipulagningu á starfsemi deildar í samráði við hana
» Ábyrgð á rekstri og mönnun deildar í fjarveru yfirljósmóður
» Er leiðandi í klínísku starfi, faglegri framþróun og umbóta á deildinni
» Vinnur náið með yfirljósmóður að mótun liðsheildar
» Sérstök ábyrgð á tilteknum verkefnum sem henni eru falin

Hæfnikröfur
» A.m.k. 2 ára starfsreynsla sem ljósmóðir
» Hjúkrunarfræðimenntun er æskileg
» Reynsla af þjónustu við konur á meðgöngu og í sængurlegu
» Stjórnunarreynsla er kostur
» Leiðtogahæfni
» Framúrskarandi samskiptahæfni
» Þekking á verkefnastjórnun og umbótastarfi
» Góð íslenskukunnátta
» Íslenskt starfsleyfi ljósmóður

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.
Tekið er mið af jafnréttisstefnu LSH við ráðningar á spítalanum. 

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80 - 100%
Umsóknarfrestur er til og með 18.11.2019

Nánari upplýsingar veitir
Hilda Friðfinnsdóttir - [email protected] - 543 3046/ 825 9594


Landspítali
Meðgöngu- og sængurlegudeild
Hringbraut
101 Reykjavík


Smelltu hér til að sækja um starfið
 

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira